Versets bíblics populars de John 4

Comparteix

Ahchaahkuu Chishemanituu ekw anichii kaa nuuchiishtuwaatwaau yaaitei ahchaahkuwinihch kaye taapwewinihch chipaa ishi nuuchiishtuweuch.”

Wesh shaash peshunaakun, kaye ekun shaash e ispayihch, anichii chihchiwe kaa nuuchiishtuwaatwaau Uhtaawiimaau, ahchaahkuwinihch kaye taapwewinihch ishi nuuchiishtuweuch. Eukw uyuu e ishi nituweyimaat aweyuu chechii ishi nuuchiishtaakut Kuuhtaawiinuu.

Awen maak che minihkwekwe aniyuu nipiiyuu che miyak chechii minihkwet, namui wiiskaat miin chika uhchi paahkutaahtam. Wesh an nipii che miiweyaan kata piihchishkaakuu muyaam e uhchi muuschichuuniyich kata ishinaakuniyuu, eukw maak uu kaa pimaachihiiwemakahch nipii anit chechii uhchi ayaat awen kaachiche pimaatisiiwiniyuu minihkwete.”

Chii iteu maak Jesus aniyuuh iskweu, “Chischeyihtamuuhpane chekwaayuu e wii miiwet Chishemanituu kaye chischeyimiyin awen e aawiyaan, chiya chipaa kakwechimin chechii minihiitaan. An maak kaa pimaachihiiwemakahch nipii eukun an chipaa minihiitin.”

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.

Ekw an iskweu kaa itwet, “Namui chitayaan aschihkw chechii kwaapahiikaacheyin kaye an nipii mista yaaunaakun anite niihtaahch, taanite maak che uhtahaman an nipii kaa pimaachihiiwemakahch.

Ekw an iskweu kaa itaat aniyuuh Jesus, “Nichischeyihten aniyuuh Chishemanituu che pechi itishahwaat che takushiniyich. Christ ishinihkaasuyuuh. Takushihke maak misiwe chekwaayuu chika wiihtamaakunuu.” Ekw Jesus kaa ishi nishkweushihaat, “Eukun niya, niya kaa ayimihiitaan.”

“Aashtamukw. Che waapamekw an naapeu kaa pechi wiihtamuut misiwe taan kaa ihtuuch. Namayeu kaakaye eukuu Christ aniyuu chipaa pechi itishahweu Chishemanituu.”