Versets bíblics populars de Methelokên 3

Comparteix

Bi hemî xurtiya dilê xwe, xwe bispêre Xwedê û pişta xwe bi eqilmendiya xwe me şidîne; Her û her Xwedê bîne bîra xwe, ewê reya te firehtir bike.

Di pêşiya çavê xwe de, xwe bi eqilmendiya xwe me nepixîne; ji Xwedê bitirse û dev ji xirabiyê berde.

Bi mal û zadê xwe ê nûgihayî qedrê Xwedê bigire: Hingi, enbarên te wê bibin tejî zad û dexil û denên te tejî şerab.

Bila, qencî û dilrastî dûrî te me kevin, tu wan bi stoyê xwe ve girêbide, wan li ser depê dilê te binivisîne.

Kurê min, tekdîrên Xwedê kêm me bîne û ji êşandina di Wî dilteng me be; Ji ber ko Xwedê weke bav bi kurên xwe dikin, peyayên ko hejî wan dike diêşîne.

Kurê min, qanûnên min ji bîra me ke û pendên min, bila di dilê te de cih bigirin; Ew ê ji te re jiyîneke dirêj, saline xweş û selametiyê bidin.

Serbilind e mirovê ko gihaye kikmet û şehrezayiyê û yê ko bijîr e… Tiştê ko wî pê kar kiriye ji zîv û peran çêtir e, û feyda ko jê tê ji ya zêran hêjatir e; Ew, ji mirariyan girantir e û qîmeta wê ji her tiştên bibeha mezintir e.

Heke ji destê te tê, arîkariya hewcedaran bike û xwe jê me de paş.

Ji ber ko Xwedê hîmê dinyayê bi hikmet û şehrezayiyê daniye û bi eqilmendiyê ezmanan şidandine