Versets bíblics populars de Bruă Mơnuă 2

Comparteix

Pêtrôs laĭ glaĭ: “Kơhmal bĕ tơlơi soh ƀing gih, laih anŭn brơi rĭm čô ƀing gih khŏm tŭ tơlơi ƀatem amăng anăn Yêsu Krist, kiăng kơ hmâo tơlơi pap brơi tơlơi soh ƀing gih; laih anŭn ƀing gih či mă tŭ Yang Bơngăt Hiam, Ơi Adai pha brơi.

Gơñu gir kơtir djă pioh abih tơlơi pơtô mơ̆ng ƀing khua ding kơna, amăng tơlơi pơgop pơlir, phĕt wơ̆k ƀañ tơpŭng, laih anŭn tơlơi iâu laĭ.

Abih bang gơñu leng kơ bă blai Yang Bơngăt Hiam, laih anŭn čơdơ̆ng pơhiăp amăng tơlơi pơhiăp tuai, tui hăng Yang Bơngăt Hiam brơi kơ gơñu pơhiăp.

Plŭt hmâo dơnai rai mơ̆ng adai kar hăng jua angĭn thut kơtang, pơbă abih amăng sang anih gơñu hlăk dŏ ber. Laih anŭn gơñu ƀuh khul jơlah kar hăng jơlah apui pơdah rai, čơlah bru bra laih anŭn găm ƀơi rĭm čô gơñu. Abih bang gơñu leng kơ bă blai Yang Bơngăt Hiam, laih anŭn čơdơ̆ng pơhiăp amăng tơlơi pơhiăp tuai, tui hăng Yang Bơngăt Hiam brơi kơ gơñu pơhiăp.

Rĭm hrơi gơñu bơjơnum amăng sang kơkuh pơpŭ, laih anŭn wơ̆k ƀañ tơpŭng amăng sang gơñu pô, ƀơ̆ng huă hrŏm hơbĭt sa pran jua mơak mơai, thâo luă gŭ, bơni hơơč kơ Ơi Adai laih anŭn bơmơak pran jua ƀing ană plei pla. Laih anŭn rĭm hrơi Khua Yang thim dơ̆ng kơ ƀing mơnuih hmâo tơlơi pơklaih mŭt amăng Phung Sang Ơi Adai.

‘Ơi Adai laĭ: Amăng rơnŭk hnal tuč či truh tui anai: Kâo či tuh Yang Bơngăt Kâo ƀơi abih bang asar đeh; Ƀing ană đah rơkơi laih anŭn ană đah kơmơi ƀing gih či laĭ lui hlâo, Ƀing tơdăm či hmâo tơlơi pơƀuh, Laih anŭn ƀing tha rơma či hmâo tơlơi rơpơi.

Abih bang ƀing đaŏ pơgop hrŏm hơbĭt, dram gơnam gơñu pioh jing gơnam hrŏm hơbĭt. Gơñu sĭ hĭ lŏn hmua laih anŭn kong ngăn gơñu hăng pơpha gơnam anŭn kơ abih bang tui hăng rĭm čô kiăng yua.

Laih anŭn hlơi pô kơwưh rơkâo anăn Khua Yang či dưi klaih.’

Yang hrơi či blư̆ jing hĭ kơnăm, Laih anŭn blan či blư̆ jing hĭ drah, Hlâo kơ Hrơi Prŏng hăng Hrơi guh kơang Khua Yang či truh.