Versets bíblics populars de Matthew 7

Comparteix

“Tukhiagitti tunihiviuniakuvluhi talva, kenigitti pakekuvluhi, tigluktugittilu ukuiguyyaukuvluhilu.

Kinalika tukhiagumi tunihiviuniaktuk, kenigiaktugumilunin pakengniaktuk, tigluktugumilunin tamna ukuiguyyauniaktuktauk.

“Kinalika tapfuma ukauhitka tuhaagumigit maliklugit angutun-ituk ihumatuyutun iglulivangman kaektumun.

“Ilipfi kanu-iliugutikhapfingnik piyumagupfi inungnin, ilaa ayyikutaaniktauk taimaliukpagluhi tapkununga; pitkuyat, nalautaiyitlu tiitigangit maliktauyun taima.

Inunengmunli itegvik negukitpiaktuk, apkunlu aiyungnaktuk, tapkuatauk atuktaat ikitugaluit.

“Itegvingmun negukiktumun itegitti, itegvik, apkunlu aullayuk nungutitaunegmun negutuman, amigaitunlu inuit atuktaat tamna.

Ilipfili nagungitkaluaktilluhi nutakahi tunigupfigik naguyumik, Angutipfi kilangmitum nagutkiyanik tuniniagunakhiyain tapkua inuit tukhiagvigipayyuk.

“Uktugiaktuktailuhi uktuktaukunahi ilipfi. Uktugiaktugupfi uktugiaktunipfingnik uktuktauhunguyuhi ilipfi ayyikiitumik piluhi.

Kinalikalunin ukauhitka nalaugumigit malikhimaitumik angutuniniaktuk ihumaitutun tamna iglulengman hiugainangmun.

Ilvin katangutivit iyingani iyyiun hug takuviuk malugingitkaluaktillugu keyuk iyingnihimayuk? Kanuktuntauk katangutin ukautiniakkiuk imaatun, 'Uvanga iyyiut pieglagu iyingnin', iyin keyukakaluaktillugu ilvin?

“Upingakhitailuhi nalautaiyimagluktunin tikitpahi annugakakhutik imnaitun ilumingnili amakuktun ugiaktutun-ililektugaluit. Tapkua ahiagingnin ilitaginiaktahi. Inuit ahianikkat grapesnik ukpingnin, figniglunin kakilautilingnin?

Taima napaaktun naguyun ahiakakpaktun naguyumik, napaaktulli nagungitun tapkua ahiakakpaktun nagungitumik.

Napaaktuk nagugumi ahianiyuituk nagungitumik. Napaaktuglunin nagungitkumi tamna ahianiyuituk naguyumik.

Napaaktun tamangmik ahiakangngitkumik naguyumik kipiyauyukhat igitaukuvlugit ingnengmun.