Versets bíblics populars de ಯೋಹಾನ 10

Comparteix

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ನಾನೇ ನಲ್ಲ ಕೊರಿ ಕಾಪಂವೊ; ನಲ್ಲ ಕೊರಿ ಕಾಪಂವೊ, ತಾಂಡ ಕೊರಿನ ಕಾಪಾಡ್‌ವಕಾಯಿತ್ ತಾಂಡ ಜೀವತ್‍ನ ಸಹ ತಪ್ಪ.

ನಾಡ ಕೊರಿಯ ನಾಡ ಸದ್ದ್‌ನ ಕ್‍ೕಪ; ನಾಕ್ ಅಯಿಂಗಳ ಗೊತ್ತುಂಡ್, ಅಯಿಂಗ ನಾಡ ಬಯ್ಯ ಬಪ್ಪ.

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ನಾನೇ ಪಡಿ. ಒಬ್ಬ ನಾಡ ಮೂಲಕ ಬಾತೇಂಗಿ ಬಚಾವಾಪ. ಅಂವೊ ಒಳ್‍ಕ್ ಬಂದಿತ್ ಪೊರಮೆ ಪೋಯಿತ್ ಪಚ್ಚೆ ಪಿಲ್ಲ್ ಜಾಗತ್‍ನ ಕಂಡ್‍ಪುಡಿಪ.

ನಾನೇ ನಲ್ಲ ಕೊರಿ ಕಾಪಂವೊ; ನಾಡ ಅಪ್ಪಂಗ್ ನನ್ನ ಚಾಯಿತೆ ಗೊತ್ತುಳ್ಳನೆಕೆ ಪಿಂಞ ನಾಕ್ ನಾಡ ಅಪ್ಪನ ಚಾಯಿತೆ ಗೊತ್ತುಳ್ಳನೆಕೆ, ನಾಕ್ ನಾಡ ಕೊರಿಯಳ ಚಾಯಿ ಗೊತ್ತುಂಡ್, ನಾಡ ಕೊರಿಯಕೂ ನನ್ನ ಚಾಯಿತೆ ಗೊತ್ತುಂಡ್.

ಅಯಿಂಗಳ ನಾಕ್ ಕೊಡ್‍ತ ಅಪ್ಪ ಎಲ್ಲಾರ್ಕಿಂಜ ಬಲ್ಯಂವೊ; ಅಯಿಂಗಳ ನಾಡ ಅಪ್ಪಂಡ ಕೈಯಿಂಜ ದಾರ್‌ಕು ಬಲಿಪಕ್ ಕಯ್ಯುಲೆ. ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಅನ್ನನೆ, ನಾನ್ ನಾಡ ಕೊರಿಯಂಗಕಾಯಿತ್ ನಾಡ ಜೀವತ್‍ನ ಕೊಡ್‌ಪಕು ತಯಾರಾಯಿತ್ ಉಳ್ಳ.

ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಆನಗುಂಡ್, ಯೇಸು ಪುನಃ ಅಯಿಂಗಳ ನೋಟಿತ್: ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ನಾನೇ ಕೊರಿಯಂಗಕ್ ಪಡಿಯಾಯಿತುಂಡ್.

ಕೊರಿಕಾಪಂವೊನಲ್ಲತಂವೊ ಪಿಂಞ ಕೊರಿಡ ಎಜಮಾನ ಅಲ್ಲತಂವೊ, ತೋಳ ಬಪ್ಪದ್‍ನ ಕಾಂಬಕ, ಅಂವೊ ಕೊರಿಯಳ ಬುಟ್ಟಿತ್ ಓಡಿ ಪೋಪ; ಅಕ್ಕ ತೋಳ ಕೊರಿಯಳ ಪುಡ್‌ಚಿತ್ ಅಯಿಂಗಳ ಚದ್‍ರಿಚಿಡುವ.

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ; ಕೊರಿಕೊಟ್ಟ್‌ರ ಪಡಿನ ಬುಟ್ಟಿತ್, ಬೋರೆ ಮಾರ್ಗವಾಯಿತ್ ಒಳ್‍ಕ್ ಬಪ್ಪಂವೊ ಕಳ್ಳನಾಯಿತು ಲೂಟಿಕಾರನಾಯಿತೇ ಇಪ್ಪ.