Versets bíblics populars de Acts 2

Comparteix

Peter itēw, “kahkiyaw kiyawāw, piko kita-pakitinamēk kimāyi-tōtamowiniwāwa mīna kita-sīkahāhtākawiyēk owīhowinihk Jesus Christ. ēkosi kita-pōnēyihtamākawināwāw kimāyi-tōtamowiniwāwa, ēkwa kika-miyikowisināwāw kā‑kanātisit ahcāhk.

kī‑tēpēyimowak kita-kiskinohamākocik itisahwākana, kī‑wīcēwākanihtowak, kī‑wīcihiwēwak ita ē‑māmawo-mīcisowiht ēkwa kahkiyaw kī‑mawimostawēwak kisē-manitowa.

ēkosi kahkiyaw pīhciyawēskākwak kā‑kanātisiyit ahcāhkwa ēkwa kī‑māci-pīkiskwēwak pāh‑pītos ē‑itowēcik, ē‑isi-miyikocik kā‑kanātisiyit ahcāhkwa.

kētahtawē kā‑pēhtākwahk ispimihk ohci tāpiskōc ē‑misi-yōtihk, mīna pīhci-wāskāhikanihk kī‑misi-matwēwēw, ita anima kā‑apicik. ēkwa kī‑wāpahtamwak iskocēsa tāpiskōc ocēyanīsa ē‑itāpisinicik, ē‑siswēkotēyiki ēkwa kahkiyaw ē‑sāmiskākocik. ēkosi kahkiyaw pīhciyawēskākwak kā‑kanātisiyit ahcāhkwa ēkwa kī‑māci-pīkiskwēwak pāh‑pītos ē‑itowēcik, ē‑isi-miyikocik kā‑kanātisiyit ahcāhkwa.

tahto kīsikāw kī‑itohtēwak kihci-ayamihēwikamikohk, ēkwa kī‑māmawo-mīcisowak wīkiwāhk miywēyihtamowinihk mīna tapahtēyimowinihk, ē‑mamihcimācik kisē-manitowa. ēkwa ē‑miyo-kitāpamikocik kahkiyaw ayisiyiniwa. tahto kīsikāw kā‑tipēyihcikēt kī‑takonēw kotaka ēwakonik ē‑pimācihāt.

‘kisē-manitow kī‑itwēw: iskwēyāc kīsikāwa ēwakoni ōhi ka‑tōtamān, kahkiyaw ayisiyiniw nika-miyāw nitahcāhkwa, ēkwa kikosisiwāwak mīna kitānisiwāwak kita-kiskiwēhikēwak. ēkwa kitōskinīkīmiwāwak kita-miyikwak kisē-manitowa tāpwēwin otisāpahtamiwinihk, ēkwa kikisēyinīmiwāwak kita-kiskēyihtamwak tāpwēwin kisē-manitowa ē‑miyikocik pawātamiwinihk ohci.

kahkiyaw otāpwēhtamowak kī‑miyo-wīcēwākanihtowak ēkwa kī‑māmawo-tipēyihtamwak kīkway kā‑ayācik. āskaw māna kī‑atāwākēwak kīkway kā‑tipēyihtahkik ēkwa anihi sōniyāwa kī‑miyēwak anihi kā‑kwitamāyit.

ēkosi awiyak tēpwātāci kā‑tipēyihcikēyit kita-wīcihikot kita-pimācihāw.’

kīsikāw pīsim kita-ati-wanitipiskipayiw ēkwa tipiskāw pīsim kita-mihkonākosiw, mwayēs māmawi kihci-kistēyihtākokīsikāw kā‑tipēyihcikēt takohtēci.