Versets bíblics populars de Acts 4

Comparteix

namōya kotak awiyak kika-kī-pimācihikonaw. tahto ayisiyiniwak ōta askīhk, kisē-manitow kī‑nawasōnēw kita-pimācihikowāyahk. wiya piko kika-pimācihikonaw.”

ēkwa ē‑kīsi-ayamihācik, kī‑nanamipayin kā‑māmawopicik. kī‑pīhciyawēskākwak kā‑kanātisiyit ahcāhkwa kahkiyaw. ēkwa kī‑kakēskwēwak kisē-manitow omiywācimowin ohci ēkāya ē‑kostahkik kita-wīhtahkik.

kā‑tipēyihcikēyan, nākatohkē kā‑maci-āyimōmikoyāhkok niyanān kitatoskēyākanak. wīcihinān ēkāya kita-kostamāhk kita-wīhtamāhk kimiywācimowin.

Jesus ana tāpiskōc ‘asiniy kiyawāw asiniy-owiyatahikēwa kā‑kī-itēyihtamēk ēkāya nānitaw kita-kī-āpatisit, māka ēkwa ēwako kā‑māmawi-kihcēyihtākosit wāskāhikanihk.’

ōki opimipayihtāwak kī‑koskwēyihtamwak iyikohk ē‑sohkēmoyit Petera mīna Johna. ēkwa ē‑kiskēyimācik ēkāya ē‑ohci-kiskinohamāsoyit. kī‑kiskēyihtamwak ē‑kī-pimitisahwāyit Jesusa.

ōki otayamihāwak pēyakwan kī‑isi-māmitonēyihtamwak otēhiwāhk mīna. namōya nikotwāw itwēwak otayāwiniwāwa ē-tipēyihtahkik, māka kahkiyaw kīkway kī‑māmawi-āpacihtāwak.