Versets bíblics populars de sēnt mārk 6

Comparteix

omisi māka ki itēw, pē itohtēk kiyām kiyawāw ohpimē pikwacāyihk ēkosi aywēpik pitamā. cikēmā ki mihcētiyiwa kahkwēkosk ē takosiniyit mina ē sipwētēyit, ēkosi namawiya ki tawipayiikwak ahpo kita ki micisocik.

māka cisas omisi ki itēw, okiskiwēhikēw namawiya ēkā kita kistēyimiht, piko wiya ot askihk namawiya, mina ita ē ayāyit tipiyawē o wākomākana, mina wiya wikihk.

ēkosi ki pē itohtēw, ki wāpamēw māka mihcēt ayisiyiniwa, ēkosi ki kitimākinawēw, cikēmā ki isi ayāwak tāpiskoc māyatihkwak ēkā ē ayāwācik okanawimāyatihkwēwa: ki māci kiskinohamāwēw māka mihcēt kēkwaya.

ēkota māka namawiya ki itotam ē sokēyitākwaniyik atoskēwin, piko ē ki sāmināt cakawāsis ē ākosiyit ayisiyiniwa ēkosi ē ki iyinikahāt. ki māmaskātamwēw māka ot ānwētamowiniyiw. misiwē māka wāsakām otēnāhk ki ayitotēw ē kiskinohamākēt.

ki otinēw māka anihi niyānan pakwēsikana mina anihi niso kinosēwa, ēkosi kihci kisikohk ē itāpit, ki miywakimēw, mina ki ati nanawinēw anihi pakwēsikana; ki miyēw māka kiskinohamawākana kita oyastowāyit; mina anihi niso kinosēwa ki mātinamawēw kahkiyaw. ēkosi kahkiyaw ki micisowak mina ki kispowak. ki mosakinamwak māka iskwascikana, mitātat nisosāp wikopiwata sākaskin, mina kinosēwa asici.