Versets bíblics populars de sēnt mārk 9

Comparteix

cisas māka ki itēw, kispin kēskitāwanē: kahkiyaw kēkway kita ki ikiniyiw ana kā tāpwētahk.

sēmāk māka otāwiya ana awāsis ki tēpwēyiwa omisi ē itwēyit, tēpēyihcikēyan, ni tāpwētēn; wiciin ē ot ānwētamowiniyān.

ispi māka kā pihtokēt wāskāhikanihk, o kiskinohamawākana ohpimē ki kakwēcimik, ē itwēyit, niyanān wiya namawiya ni ki wayawiwēpinānān. ēkosi māka ki itēw, oma towi namawiya nāntaw kēkway kita ki ohci wayawiw, piko ayamihāwin.

miywāsin siwitākan: māka kispin siwitākan wanitāmakaki ē siwāk, kēkway mina kē ki ohci siwitāhk? kikiskamok siwitākan, mina miyo ototēmihtok.

awiyak kē otinākwē pēyak ēko towi apistawāsisa ni wiyowinihk niya nit otinik, mina awiyak niya otinici, namawiya niya kā otinit, māka anihi kā pē itisaoyit.

cikēmā piko awiyak kē miyikoyēk pēyak minikwākanis nipi kita minikwēyēk, cikēmā Christ ē ayāwikoyēk, tāpwē kit itināwāw, namawiya nāntaw isi kita wanitāw o tipahamākowin.

mina piko awiyak kē itotawākwē pēyak ohi kā apistēyitākosiyit kā tāpwētawiyit kita ohci pisokēsiniyit, nawac kita miywāsiniyiw misi pinipocikan asiniya ki sakapitimiht okwayāhk, ēkosi ki pakastawē wēpiniht kihcikamihk.

mina kispin kiskisik pisokēsimikoyanē, kēcikowēpina: miywāsin kita pihtokēyan kisēmanito ot otēnawiwinihk ē napatiyāpiyan, ispic wiya ē nisiki kiskisikwa kita isi wēpinikawiyan iskotēhk