Versets bíblics populars de Juan 3

Comparteix

Come che'i tsi' wen c'uxbi Dios jiñi año' bʌ ti pañimil, tsi' yʌc'ʌ cojach bʌ i Yalobil; majqui jach mi' ñop i Yalobil, ma'añic mi' sajtel; mi' taj i cuxtʌlel mach bʌ añic mi' jilel.

Come Dios ma'añic tsi' choco tilel i Yalobil ti pañimil cha'añ mi' yotsan ti tojmulil wiñicob x'ixicob. Tsi' choco tilel cha'añ mi' taj i coltʌntel ti' Yalobil.

Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios, —che'en.

Jiñi mu' bʌ i ñop ma'añic mi' yochel ti tojmulil pero jiñi mach bʌ añic mi' ñop, ochemix ti tojmulil, come ma'añic tsi' ñopbe i c'aba' jiñi cojach bʌ i Yalobil Dios.

Ti' caj ili tojmulil, tsa' tili i sʌclel pañimil pero wiñicob x'ixicob tsi' ñumen c'uxbiyob ic'ch'ipan bʌ pañimil; come jontol i melbalob.

Wersa mi' ñuq'uesʌntel Cristo, joñon wersa mic ch'och'ocʌyel, che'en Juan.

Come pejtelel mu' bʌ i cha'leñob jontolil ts'a' mi' q'uelob i sʌclel pañimil, ma'añic mi' tilelob ba'añ i sʌclel pañimil come mi' bʌc'ñañob ame tsictiyic i melbal.

Jiñi mu' bʌ i ñop i Yalobil Dios, añ i cha'añ i cuxtʌlel mach bʌ añic mi' jilel; jiñi mach bʌ añic mi' ñop i Yalobil Dios mach mejlic i yʌq'uentel i cuxtʌlel, mi' yajñel ti' mich'ajel Dios.

Che' bajche' Moisés tsi' joc'choco lucum ti te' ti jochol bʌ lum, che'ʌch ja'el mi caj i wersa letsʌntel i Yalobil Wiñic

Lac Tat mi' c'uxbin i Yalobil, tsa'ix i yʌc'ʌ ti' wenta i Yalobil pejtelel chuqui tac añ.