Versets bíblics populars de San Lucas 11

Comparteix

Mit te mijchat maja mima̱lo'jcataj, injatcap is̈móyga regalu ojyatway inwaywájat. Mit como Dios Nate̱jat tsajpni'cway más oyo'c, je' imoygʉs̈áj Espíritu Santu nu'pʉjʉn jeme iguiyo'tcajámpay.

Mit tʉnʉmgʉs̈ap: Yo'tcaja Dios mit is̈moygáj. Che'nga cosa oyway mit Dios is̈actupa̱tcáj. Mucótsca Dios mit je' is̈po'ngáj.

Ni'c nu'pʉjʉn jeme iyo'tpay, ipʉctsowáj. Mit jeme iche'mpay cosa oyway, ipa'táj. Mit jeme imucotspay Dios, iguipo'náj.

Mit Jesús inʉmgʉs̈au: —In-ora̱tcawa'n nʉmga yename: Nate̱jat, mitsʉ̱nap yucm, ʉjtsat yam tʉ-oyninʉ́mga mi̱. Mi̱ yam manda̱t. Tʉwátca lo que mi̱ inwampay, as̈am yucm iguiwátca, wename-ey ʉjtsat yam tʉwátca na̱s̈ni'c.

Mit perdona̱tcajac nu'pʉjʉn mal tʉnwatcapay ni'c ʉjtsat tʉmperdona̱tcapey nu'pʉjʉn jeme tʉs̈watcajapay mal. Mit cammoygac laj tʉs̈tenta̱tcáj, po libra̱tcac de nu'pʉjʉn mal.

Moygac mi̱ tʉncaygámpay pa cada s̈ʉjw.

Dios nas̈yajcajau nawijn. Je' iwamp na-e'pca puru cosa oyway pa natsʉ̱nga oy, mit we'n natsʉ̱ngáj oy as̈am jeme yo'ygapay mam i-it luz. Po te nawijnat natu-e'pcap puru cosa ma̱lway, natsʉ̱ngáj mal as̈am jeme yo'ygapay chitimicni'c.

’Nepʉn igacuyu'tsp tu'c luz no'ctsowicway, ne igayacp ca'cpa'tm, po iyacp ta'cs̈anyagani'c pa jeme tʉgʉygapay ma e'pca ayé luz.