Versets bíblics populars de San Lucas 14

Comparteix

—Te tu'c jayau iwamp imi'nwa'n mit ʉ̱, po te más iwamp ite̱t, ima̱m, ito's̈ay, iwaywájat, imajtsʉcwájat, mit te más iwamp ivida, ayé jayau ca-oyáj ijat tʉmpʉctampay.

Tu'c jayau ma tsʉ̱na dispuestu pa iguitunas̈wa'n mit pa tʉs̈natspoguiyáj. Te igawatp we'n, ca-oyáj ijat tʉmpʉctampay.

Ni'c pʉmba'tu jeme nimʉjninʉjmʉpay, Dios iguimalninʉmáj. Mit pʉmba'tu canimʉjninʉjmʉpay, Dios igui-oyninʉmáj.

Jemni'c te tu'c jayau mam mijchat igayacp nu'pʉjʉn ijtʉpay, ca-oyáj ijat tʉmpʉctampay.

Ni'c te tu'c jayau mam mijchat iwamp iguiwatwa'n tu'c mʉjway tʉjc, ¿is̈jawiga igapensa̱jtʉ'gáj pa iguicalcula̱twa'n gastu, te iguicojyáj itumi̱n pa icʉs̈wa'n jaran? Te igawatp we'n, iwajtámpu ibase po ca-oyáj iguicʉs̈ nu'pʉjʉn. Mit cʉs̈wa'n nu'pʉjʉn jayajwat igui-e'pcámpay iguitus̈i̱jcáj. Inʉmgáj: “Ayʉ̱́j jayau ichu̱chiwu po ca-oyawu iguicʉs̈.”

Po cuandu is̈watwa'n cayna̱s̈, imvita̱tcʉs̈ pro̱wijat, cʉ'túguijcatway, cu̱s̈ujat mit winchat. Mit mitsʉ̱náj oyninʉmic ni'c je'jat ca-oyáj is̈actsoutújcajap, po Dios is̈tso'gáj cuandu ijutucta̱jcawa'n jeme iwatcaway iyacs̈ta'cway.

’Oyo'c ayé ca̱n, po te ayé ca̱n cajapa'c, ¿nat i-o'mwa'n as̈am ca̱n? Caservia̱tp ne pa nas̈yacwa'n na̱s̈ni'c ne pa abono. Solo oy pa nas̈cucachiwa'n. Jeme ijtʉpay ita̱tsʉc pa iguitumarawa'n, ma marau lo que tʉnyʉmpay.