Versets bíblics populars de Iovani 13

Comparteix

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua. Mo haŋa o kōrua pē ira, he ꞌite e te taŋata: he nuꞌu hāpī kōrua ꞌāꞌaku.

Mo ai a au, te Maꞌori ꞌe te Pūꞌoko Haka Tere o kōrua, ko haka hopu atu ꞌana i te kōrua vaꞌe, pē ira takoꞌa ꞌana a kōrua ana aŋa ꞌi roto i a kōrua. »Hai meꞌe aŋa ena e au, i haka takeꞌa atu ai he aha te kōrua meꞌe mo aŋa.

He pāhono e Ietū: —ꞌIna he aŋi-aŋi e koe, ꞌi te hora nei, he aha a au e aŋa nei i te meꞌe nei; pe muꞌa ka oho ena he aŋi-aŋi e koe.

ꞌĪ a au he kī atu: ꞌina he tāvini ꞌata hau ki te kope haka aŋa i a ia, ꞌe ꞌina he kope maꞌuroŋo ꞌata hau ki te kope haka uŋa i a ia.

Mo aŋi-aŋi o kōrua i tāꞌaku meꞌe hāpī atu ena ꞌe mo aŋa i rā ŋā meꞌe, he haꞌamaitai kōrua e te ꞌAtua.

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena. He toꞌo i te vātōrio ꞌe he haꞌaꞌī hai vai. He haꞌamata ia he haka hopu i te vaꞌe o tāꞌana nuꞌu hāpī ꞌe he haroꞌi hai tū pānio era.