Versets bíblics populars de DAGITI ARAMID 2

Comparteix

Ket ni Pedro kinunana cadacuada: Agbabawicayo, ken mabautizaran ti tunggal maysa cadacayo iti nagan ni Jesu-Cristo a maipaay iti pannacaiccat dagiti basbasolyo; ket awatenyonto ti parangcap ti Espiritu Santo.

Ket nagtalinaedda iti sursuro dagidi apostol, ken iti panagcacaddua, ken iti panagpipinnisi iti tinapay, ken kadagiti cararag.

Ket napnoda amin iti Espiritu Santo, ket rinugianda ti nagsasao cadagiti sabsabali a pagsasao a cas inted ti Espiritu cadacuada a pagsasao.

Ket iti apagdaricmat immay manipud langit ti maysa a daranudor a cas la panagpuyupoy ti napigsa unay nga angin ket pinunnona ti amin a balay nga yanda nga agtutugaw. Ket nagparang cadacuada dagiti cas la dildila nga apuy, a naibunong, ket nagdisso iti tunggal maysa cadacuada. Ket napnoda amin iti Espiritu Santo, ket rinugianda ti nagsasao cadagiti sabsabali a pagsasao a cas inted ti Espiritu cadacuada a pagsasao.

Ket inaldaw-aldaw a nagtitimpuyogda iti templo, ken pinispisida idi ti tinapay cadagiti balbalay, ket kinnanda ti pagtaraonda a siraragsac ken sidadalus ti pusoda, Nga intantan-ocda ti Dios ket pinadayawan ida dagiti amin nga umili. Ket ti Apo inayonna idi cadacuada nga inaldaw dagiti naisalsalacan.

Ket maaramidto cadagiti maud-udi nga aldaw, cuna ti Dios, Ibuyatconto ti Espirituc iti amin a lasag, ket dagiti annacyo a lallaki ken babbai agipadtodanto, ket dagiti babbaroyo macakitadanto cadagiti parparmata, Ket dagiti lal-lacayyo agtagainepdanto ti tagtagainep

Ket isu-amin dagidi namati nagtitiponda; ket amin a cucua ti tunggal maysa cucuada amin; Ket inlacoda dagiti taltalon ken dagiti cucuada ket imburayda ida cadagiti isu-amin cas ti pacasapulan ti tunggal maysa.

Ket maaramidto a siasinoman nga umawagto iti nagan ti Apo, maisalacanto.

Ti init agbalinto a sipnget, ket ti bulan agbalinto a dara, casangoanan ti yaay ti dackel ken naisingayan nga aldaw ti Apo.