Versets bíblics populars de Mɑɑtieo 6

Comparteix

Ŋɑɑnt mɑn k i ninbinɑ i mɔn Yennu nɑɑn nɑn lin nbɑ tuok k Yennu yɑɑ yii tuun nɑ pɑɑk, k u sɑɑ jii bonɑ nbɑ nɑ kul k tul’i.

L pɑɑk, dɑɑ te k wonn mɑɑn muks’i ni, k mɑɑn wonn e sɑɑ muks u mɔnŋ. Dɑɑl kul mɔk u fɑlɑ k l jɑnŋt’ɔ e.»

«L pɑɑk e te k n yien’i, i dɑɑ fɑbn i binbenŋ po nɑn yɑɑ sɑɑ di lin nbɑ ɑmi k nyu lin nbɑ, k biɑ dɑɑ fɑbn i gbɑnɑnt pɑɑk nɑn yɑɑ sɑɑ liɑ lin nbɑ. Mɑnfuol k gɑl jiet ii? K gbɑnɑnt mun biɑ k gɑl tiɑt ii?

Ŋɑɑn l i tie k ɑ yɑɑ ɑ miɑl Yennu e, fɑn kuɑ ɑ dieok ni k luon ɑ gɑnn, ŋɑɑn miɑl ɑ Bɑɑ nbɑ be wuol ni mɑnŋ, k ɑ Bɑɑ nbɑ lɑɑt lin nbɑ k ɑ tuun wuol ni nɑ sɑɑ tul’ɑ nyuɑt.

Yɑɑ tuu sii mei Yennu biɑnŋ nbɑ e nɑ: ‹T Bɑɑ nbɑ be *Yendɔunŋ ni, ɑ sɑnn n lɑ dontl, ŋɑɑnt k ɑ nɑɑn n bɑɑl, ŋɑɑnt k ɑ lonm n tien *dulnyɑ nɑ ninŋ, nɑn lɑɑ tie Yendɔunŋ ni nɑ.

Tul’t mɑnn dɑɑl kul.

Nyikn cɑb t biit nɑn tɑɑ mun nyikt cɑbt bin nbɑ biil’t nɑ.

A dɑɑ te k tin kuɑ jɑnmi ni, ŋɑɑn nyinn’t bonbiil ni.›

«L i tie k i nyikt i lieb k cɑbt’b yuo nbɑ k b biil’i nɑ, i Bɑɑ nbɑ be sɑnpɑɑpo nɑ mun sɑɑ nyik k cɑb’i wɑɑ

Gotl nuɑni nbɑ yuuk k lin nɑ. B k buul. B biɑ k jɑɑn k wu sukɑ nɑn nɑɑpɑɑt ni, ŋɑɑn k i Bɑɑ nbɑ be sɑnpɑɑpo nɑ dint’b. I k mɔk nyuɑt k gɑl nuɑni ii?

«Dɑɑ kpɑɑn mɔktuk tingbounŋ nɑ ni, siɑn nbɑ k bonŋmiŋmɑbt nɑn tintɑni sɑɑ biil, k nɑn-yukb biɑ sɑɑ kuɑ k jɑn, ŋɑɑn mɑntk kpɑɑn Yendɔunŋ ni, siɑn nbɑ k bonŋmiŋmɑbt nɑn tintɑni kɑn fit k biil, k nɑn-yukb biɑ kɑn fit kuɑ k jɑn, k mɑɑn siɑn nbɑ k ɑ mɔktuk be nɑ, ɑ dudukt mun be lenŋ e.»

«Suɑ kɑn fit tun k tul yonmdɑnm bɑnle. U sii nɑn yenɔ ŋɑɑn kii luon luɑ, ɑmi u sii niɑn yenɔ e, ŋɑɑn kii jɑkn luɑ nɑ. I kɑn fit wɑɑ Yennu nɑn tingbounŋ nɑ mɔktuk biɑk.

Muɑt nbɑ be dinnɑ, ŋɑɑn wonn k b juo muu wɑɑ nɑ, Yennu nbɑ fɑnŋt’l biɑnŋ nbɑ nɑ, k u kɑn lɑnn yinm ii? Yinm yɑdɑ-kɑnpuɑnɑ dɑnm nɑ.

Ŋɑɑn l i tie k ɑ yɑɑ ɑ pi tɑlɑs-dɑɑnɔ e, fɑn pi’u, k dɑɑ te k ɑ niigɑnŋ mi ɑ niidiitu nbɑ tuun lin nbɑ, k fɑɑ tuun lin nbɑ n biɑl wuol ni, k ɑ Bɑɑ nbɑ lɑɑt wuol ni nɑ sɑɑ pɑ’ɑ pɑɑnu ni.»

«I dɑɑ tuun i tuonŋɑnɑ ɑ niib n lɑ k pɑk’i, k mɑɑn ii tuun nnɑ, i kɑn lɑ nyuɑt i Bɑɑ nbɑ be sɑnpɑɑpo nɑ buol ni.

«L i tie k i yɑɑ i lol mɔi e, i dɑɑ biil i nuni po nɑn kpinkpɑnni dɑnm nɑ, k mɑɑn b tuu biil b nuni po, ɑ suɑ kul n lɑ k bɑnn nɑn b lol mɔi e. Bɑlmɔni e k n yien’i nɑ, b ponŋ gɑɑl b nyuɑt ɑ. Ŋɑɑn, l i tie k ɑ lol mɔb i e, fɑn yibl ɑ nunm po k sɑɑt ɑ yut fɑnu. Lin nbɑ nɑ e sɑɑ te k lieb kɑn bɑnn nɑn ɑ lol mɔb ŋɑɑn ɑ Bɑɑ nbɑ be wuol ni nɑ kuukuɑ e sii mi, k ɑ Bɑɑ nbɑ lɑɑt lin nbɑ k ɑ tuun wuol ni nɑ sɑɑ tul’ɑ nyuɑt.»