Versets bíblics populars de MATEO 19

Comparteix

Jesús oma'e sese ipare rumo omboyevɨ chupe:–Ava tëi upe yavai ko nungar mba'e apo, Tüpä upe rumo mba'e opakatu ndayavai ete.

Sese nda'ei chira ñuvɨrïo, ñepëi ñoite yuvɨrekoira. Evokoiyase Tüpä omomenda va'e ava, ndiyai ete ava tëi omboyepepɨ yuvɨreko oyesui.

Jesús omboyevɨ fariseo upe:–¿Ndapeyerokɨi vo pe Ikwachiaprɨ araka'endar oyapo va'e yɨpɨndar pɨpe, ‘a'e Tüpä oyapo kuimba'e iyavei kuña’? Iyavei aipo e'i: ‘Evokoiyase, kuimba'e omendase oyepepɨra oyesupa sui osɨ sui avei yuvɨrekoi va'erä gwembireko rese, ichui a'e ñuvɨrïo yuvɨrekoira inungar ñepëi ava.’

Evokoiyase Jesús aipo e'i:–Toyugweruño chi'ïvä'e cheu, ani ndapeyei chira chupe, esepia Tüpä mborerekwasa a'e inungar tuprɨ yuvɨrekoi.

Setavai kurïtëi yuvɨrekoi va'e tenonde katu, a'e rumo yuvɨrekoira ipa tëi; seta avei kurïtëi ipa tëi va'e, a'e yuvɨrekoira tenonde katu kuri.

Iyavei opakatu oseya va'e che rekokwer sui tëi gwëtä, anise vɨvrɨ, anise gweindrɨ, anise oyesupa, anise osɨ, anise gwa'ɨrɨ, anise oɨvɨ avei, a'e oipɨsɨra cien yupagwer mba'e, iyavei oipɨsɨra tekovesa apɨre'ɨ̇ ndopai va'e.

Jesús omboyevɨ chupe:–Ereipotase mba'e tuprɨ pɨpe nde reko agwä, eso emondopa tuprɨ rane mba'e erereko va'e iyavei emondopa rane ava iparaɨsu va'e upe. Ichui ramo ite ererekora mba'e avɨye va'e ɨvave. Ipare eregwatara che rupi.

Jesús omboyevɨ chupe:–¿Ma'erä vo ereporandu cheu mba'e avɨye va'e rese? Avɨye va'e oime ñepëiño ite. Erereko potase rumo tekovesa apɨre'ɨ̇ va'e, emboyeroya mborokwaita.

Amombe'u irira aipo peü ndayavai katu camello upe yukwar rupi seike agwä, ava mba'e yar sui reike agwä Tüpä mborerekwasave.

Che rumo aipo a'e peü akoi opoi va'e gwembireko mba'e ndoyavɨi va'e sui, omendase ambuae rese, a'e oyemboangaipa gwasu ite ipɨpe.

Jesús evokoiyase aipo e'i gwemimbo'e eta upe:–Supiete yavai eteanga mba'e yar upe seike agwä Tüpä mborerekwasa pɨpe.