Versets bíblics populars de JUAN 2

Comparteix

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Jesusasti taykaparux sänwa: —Warmi, ¿kunatsa nayar uk sista? Janïraw pachaxax purinkiti —sasa.

Ukat Jesusax jupanakar säna: —Aka wakullanakar umampi phuqhantapxam —sasa. Jupanakasti taqpach wakullaruw umampi phuqharapxäna. Ukatsti Jesusax saskakïnwa: —Jichhasti, apsupxam, jaqichasïwi sarayirin ukar mallt'ayir apapxam —sasa. Jupanakasti ukham lurapxäna.

Jesusasti jupanakarux sarakïnwa: —Tatitun aka utap t'unjapxam, nayasti kimsürun wasitat sayt'ayä —sasa.

Uk uñjasinsti, Jesusax mä jawq'añ wakicht'asïna, ukampiw taqinir Tatitun utapat alissüna, ovejanakapampi vacanakapamp chika. Qullqi turkirinakan qullqip willtäna qullqi uskusiñanakapsa jaqurpayänwa. Palomanak aljirinakarusti sänwa: —¡Taqi akanak akat apsupxam! ¡Awkixan utap jan mä qhathur uñtat tukuyapxamti! —sasa.