Versets bíblics populars de JUAN 4

Comparteix

Diosax Ajayuwa, khitinakatix jupar yupaychapki ukanakax Ajayuna, chiqa kankañampi yupaychapxañapawa —sasa.

Ukampis uka pachax puriniwa, jichhapï, Awkir chiqpach yupaychirinakax Ajayun irpata, chiqa kankañampi yupaychapxanixa. Awkisti ukham yupaychatäñ muni.

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Warmisti Jesusarux sarakïnwa: —Tata, janiw kunampi um apsuñamas utjkiti, phuch'ux wali manqhawa. ¿Kawkitarak jakkir uma churitasmasti?

Ukxarusti warmix sarakïnwa: —Criston jutañap nayax yattwa; kunapachatix jupax jutkani ukkhaw taqi kun yatiyapxitani —sasa. Jesusasti juparux sarakïnwa: —Uka Cristox nayätwa, khititix jumamp parlki ukawa —sasa.

—Uñjir jutapxam, mä chachaw taqi luratanakax irkatitu. ¿Janit jupax Cristökpacha? —sasa.