Versets bíblics populars de LUCAS 23

Comparteix

Jesusasti sänwa: “Awkixay, aka jaqinakar pampacham, jupanakasti janiw kuna luratapsa yatipkiti” sasa. Soldadonakasti Jesusan isip jupanakkam jaljasiñatakix suerte jaqtapxäna.

Jesusax juparux sarakïnwa: —Chiqpachaw sisma, jichhürpachaw nayampi chika kusisiñ chiqankäta —sasa.

Ukatsti Jesusarux sänwa: —Jesusay, taqi markanak apnaqkät ukkhax nayat amtt'asitätawa —sasa.

Jesusax jach'at art'asïna akham sasa: —¡Awkixay, amparamaruw ajayux katuyasxsma! —sasa. Uk arsusin jiwawayxäna.

Kunapachatix Calavera sat chiqar puripkän ukkhaxa, Jesusarux pä lunthatamp chik ch'akkatapxäna, maynirux kupïxaparu, maynirusti ch'iqäxaparuraki.

Niya chika uruta qalltasina chika jayp'ukamaw taqpach uraqix ch'amakt'awayäna. Intix ch'amakt'änwa, Tatitun utapankir cortinasti alayat aynacharux payaruw ch'iyjtäna.

Kunapachatix Romankir capitanax ukham uñjkän ukkhaxa, Diosaruw yupaychäna: —Chiqapuniw aka jaqix jan juchanïkataynati —sasa.