Versets bíblics populars de Lucas 2

Comparteix

Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Jesusasti jilascänwa janchina, uqhamarac yatiñansa; Diosataquisa, uqhamarac jakenacataquisa asquiraquïnwa.

Acäniw chimpojja, jumanacajj wawarojj wawa isinacamp q'irt'atwa mä uywa mank'añawjan iquisquir jicjjatapjjäta —sasa.

Belén jac'ansti awatirinacaw utjäna, jupanacasti pampan arumajj ovejanacap uñjasipcäna. Ucatsti mayac acatjamat Tatitun mä angelapajj jupanacar uñstäna, Tatitun khanapasti jupanacaruw muyuntäna, ucatsti wal ajjsarapjjäna.