Versets bíblics populars de Yohana 12

Comparteix

Ʉmuunu ʉvaveetsaga ʉvɨ ikʉmbombela, panogye angʼongage, lola apaveetsaga palya ʉpwʉ ndiiva ʉne, pwʉ namwene iveetsaga apo. Ikange ʉmuunu ʉvaveetsaga ʉvɨ ikʉmbombela ʉne, ʉDaada alamwɨmɨka.

Ʉmuunu ʉvaveetsaga ʉvɨ avʉganile ʉwʉʉmi wa mwene mu kɨlʉnga ʉmʉ, ʉjwa alawaambʉtsa. Apeene ʉmuunu ʉvaveetsaga ʉvɨ navʉganili ʉwʉʉmi wa mwene mu kɨlʉnga ʉmʉ, vɨ alavʉpoka nʉ kʉkava ʉwʉʉmi wa sikutsooni.

Jɨlweli ndikʉvavʉʉla ndiita, ɨmbeju jɨngaleke ʉkʉsɨɨlwa mu mmanga, ndʉ muunu ʉvasue nʉ kʉsɨɨlwa, pakʉta jyandʉke nʉ kʉmela, jitsiga jyene ʉmwʉ jɨveelye. Apeene jɨngasɨɨlwe pwʉ jimela nʉ kʉhʉʉpa iseke nyongosu.

Ʉne nditsile mu kɨlʉnga ʉmʉ ndʉ lʉmuli, pakʉta ʉvaveetsaga ʉvɨ ikʉnnyɨdɨka aleke ʉkʉtsiga mu ngʼiisi.

“Ʉmuunu ʉvaveetsaga ʉvɨ ipʉlɨka amamenyu gango, lɨno nikʉgakonga, nandikʉmmɨga, ʉlwakʉva nanditsili mu kɨlʉnga ʉmʉ kwihɨga avaanu, apeene nditsile kukʉvapoka.

Pwʉ ʉMaliyamu akatoola ɨtsupa jya mafuta ga kwɨbaka aginuungʼilila aga ndalama nyongosu, akamʼbaka ʉYɨɨsʉ mu silʉnde, akampulusa ni nzwɨlɨ tsa mwene. Ɨnyumba jyoni jɨkadɨga ʉlʉnuusi lwa mafuta ago.

Pwʉ vakadeenya amasaasi ga mitende, vakalʉta kukʉmwʉpɨlɨla ʉYɨɨsʉ. Valɨkwoveela valɨkʉta, “ɄNgʉlʉve aginiwaagwe! Inʼgatalʉsu ʉvɨ ikwitsa mu litaawa lya Ntwa ʉNgʉlʉve!” Inʼgatalʉsu ʉNkʉlʉdeeva va Vaisilahɨli.

Wʉ vambʉʉlile, ʉYɨɨsʉ akavaanda akata, “Lɨno ʉnsɨkɨ gʉlya gʉsiike ʉgwa wɨɨmɨkiwa wa Mwana va Muunu ʉkʉvoneka pavʉvalasu.