Versets bíblics populars de Yohana 14

Comparteix

Ndikʉvapelela muve nʉ lʉnotsehetso mu numbula tsiinyo, ʉlʉnotsehetso lʉlya ʉlwʉ ndɨlɨ nalwo mu numbula jyango lwʉ lʉʉlwa ndikʉvapelela najyʉnyie muve nalwo. Ʉlʉnotsehetso ʉlwa nalʉlɨ ndʉ lwa mu kɨlʉnga. Kwʉ baako ʉkʉsʉsʉvala mu numbula tsiinyo, ikange kwʉ baako ʉkʉdwada ɨkɨveetsaga.

ɄYɨɨsʉ akamwanda akata, “Ʉne neene nzɨla, neene lweli, ikange neene wʉʉmi. Nakʉli ʉmuunu ʉvaveetsaga ʉvɨ iweesa ʉkwitsa kwa Daada kɨtsila kʉgendela kwane.

“Muleke ʉkʉsʉsʉvala mu numbula tsiinyo, mukʉmwɨdɨka ʉNgʉlʉve, innyɨdɨkagi najyʉne.

Lɨno ʉNtangɨli ʉjwa, kwʉ kʉta ʉMepo ʉMbalatse, ʉvɨ ʉDaada jiikʉnsuungʼa kwanyie mu litaawa lyango, vɨ mwene jiikʉvamanyiisaaga gooni nʉ kʉvakʉmbʉsa gooni ʉgwʉ ndɨvavʉʉlile.

Ʉmuunu ʉvaveetsaga ʉvɨ ikwɨdɨka nʉ kʉkonga indagɨlo tsyango, ʉjwa vɨ mwene anganile. Nʉ mwene ʉmuunu ʉvɨ anganile, ʉDaada alanʼgana. Nʉʉne ndɨnʼganile, ikange ndikɨvonia kʉ muunu ʉjwa.”

Pwʉ nʉʉne jʉndikʉvadoovela kwa Daada avape ʉNtangɨli ʉjyʉnge, pakʉta ʉjwa ataamage paninie nʉʉnyie, nalavaleke lʉsiku. ɄNtangɨli ʉjwa vɨ Mepo ʉMbalatse. Ʉjwa jiikʉvamanyiisaaga avaanu ʉwajɨlweli. Avaanu ʉwʉ vikʉmʼbeela ʉNgʉlʉve navakaweese ʉkʉmwʉpɨlɨla ʉMepo ʉjwa, ʉlwakʉva navikʉmbona, ikange navammanyili. Lɨno ʉnyie mummanyile ʉMepo va Ngʉlʉve ʉlwakʉva itaama paninie nʉʉnyie, ikange jiiveetsaga mu nʼgati mwanyie.

Ɨngave jʉmudoovaga ɨkɨɨnu ɨkɨveetsaga ʉkʉgendela mu litaawa lyango, ʉne jʉndikʉvavombelaga ndʉwʉ mudoovile. Kʉ nzɨla ɨjyo, ʉwɨɨmɨkiwa wa Daada jʉvuvonekaga ʉkʉgendela mu Mwana va mwene. Pwʉ mudoovage ɨkɨveetsaga mu litaawa lyango, nʉʉne jʉndikʉvavombelaga ndʉwʉ mudoovile.”

“Ɨngave munganile, mutsikongage indagɨlo tsyango.

Ʉvʉtaamo vʉvaha mu nyumba jya Daada. Ɨkaale ɨleke ʉkʉva wʉ jɨlɨwo, ndalɨno ndɨvavʉʉlile, manya ndɨlɨ mu nzɨla ʉkʉlʉta kukʉvanotsehetsa apoonu apakʉva ʉnyie.

Wʉ ndɨlʉtile nʉ kʉvanotsehetsa, jʉndikilivuka ikange kukʉvatoola ʉnyie pakʉta apoonu ʉpwʉ ndiiva, najyʉnyie pwʉ muveetsage paninie nʉʉne.

Pwʉ ʉTomasi akambʉʉtsa ʉYɨɨsʉ akata, “Gwe Ntwa, ʉwe natʉkʉmanyili ʉkwʉ wibɨha. Lɨno, jiweesekana ndeeti ʉwe ʉkʉjɨmanya ɨnzɨla ɨjilotsa ʉkwa?”