Versets bíblics populars de Mataayo 18

Comparteix

Lola, palya ʉpwʉ avaanu vavɨlɨ evo vadatu vilʉndamana mu litaawa lyango, najyʉne ndiiva baaho paninie navo.”

Tsa jɨlweli ndikʉvavʉʉla ikange ʉkʉta pa kɨlʉnga apa, ɨngave avaanu vavɨlɨ pagati paanyie, vikwɨdɨngʼana ʉkʉnʼdoova ʉNgʉlʉve ɨkɨɨnu ɨkɨveetsaga, ʉmwene ʉDaada ʉvɨ alɨ kʉkyanya jiikʉvavombela ɨkyo.

ɄYɨɨsʉ akamwɨlanga ʉmwana ʉnʼdebe, akambɨɨka pagati pa veene. Akavavʉʉla akata, “Tsa jɨlweli ndikʉvavʉʉla ʉkʉta, ɨngave namukwandʉka nʉ kʉva nda vaana avadebe, namuliingile mu Lʉdeeva lwa Kʉkyanya.

Ʉkʉkongana nɨɨlyo, ʉmuunu ʉvaveetsaga ʉvɨ ikɨjisa ndʉ mwana ʉnʼdebe ʉjʉ, vɨ alaava mbaha mu Lʉdeeva lwa Kʉkyanya.

Ikange, ʉmuunu ʉvaveetsaga ʉvikʉmwʉpɨlɨla ʉmwana ʉnʼdebe ndʉʉjʉ, mu litaawa lyango, iiva annyʉpɨlye ʉne.

“Tsa jɨlweli ndikʉvavʉʉla ʉkʉta, gooni ʉgwʉ mukʉgadɨnda mu kɨlʉnga ɨkɨ, ʉNgʉlʉve namwene idɨnda kʉkyanya. Ikange, gooni ʉgwʉ mudɨndʉla mu kɨlʉnga ɨkɨ, ʉNgʉlʉve namwene idɨndʉla kʉkyanya.

Kʉ vʉmalɨlo, ʉYɨɨsʉ akatsova akata, “ɄDaada vango ʉvɨ alɨ kʉkyanya, alambombela ewo ʉmuunu ʉvaveetsaga mwanyie ʉvɨ nikʉnsyɨkɨla ʉmwɨdɨkinnine kʉ numbula jya mwene jyoni.”

“Lɨno, ʉmuunu ʉvaveetsaga angave ikʉnʼjatsa mpamato va vadebe ava avikʉnnyɨdɨka ʉne, avombe imbiivi, ɨkaale jiiva hʉba kʉ muunu ʉjwa ʉkʉkʉngɨlwa ʉlwala lwa kʉhevetela mu singo, nʉ kʉtwivilitswa kʉgati kʉ nyanza.

“Mwivona ndeeti, ɨngave ʉmuunu alɨ ni ngʼolo ʉndeevʉlʉ mpamato (100), mamato mu ngʼolo itso jijaga, jiivomba kɨki? Jiikʉtsileka itsinge tsilya isitsigo budikakʉpamato na budikakʉpamato (99) mu lʉnyika nʉ kʉbɨha kukʉjɨlonda jɨlya mamato ɨjɨjagile.