Versets bíblics populars de San Juan 15

Comparteix

‘Che ha'e pe parral máta, ha peẽ katu che rakã kuéra. Pe ojuajúva che rehe, ha che hese, upéva hi'a porã; peẽ ndaikatúi pejapo mba'eve che rehe'ỹ.

Pepytákena juajuhápe che rehe, che ajuaju háicha pende rehe. Pe hakãngue ha'eño rei ndaikatúi hi'a oĩ'ỹ ramo pe imáta rehe; upéicha avei peẽ ndaikatúi pende'a pejuaju'ỹ ramo che rehe.

‘Peẽ pepyta ramo pejuaju che rehe katu, ha pende resarai'ỹ ramo pe che pombo'e va'ekuégui pejerure peipotáva, ha oñeme'ẽ vaerã peẽme.

Na peẽi che poravo chéve, che poiporavo va'ekue peẽme, ha pomoĩ pende'a porã haguã, ha tahi'are pe pende'a. Ha upéicharamo che Ru ome'ẽ vaerã peẽme opa pejeruréva ichupe che rérape.

Pe mborayhu tuichavéva niko oguereko hína pe ome'ẽva hekove hayhupára kuéra rehe.

Ha'e oikytĩ oimeraẽva che rakã kuéra hi'a'ỹva, umi hakã hi'áva katu ohakã'o ha omopotĩ hi'a porãve haguã.

Kóva ha'e che rembiapoukapy: Tapejuayhu ko che pohayhu háicha.

Pe ombohéra guasúva che Rúpe niko pe peẽ ta pende'a heta ha upéicha tapeiko añetehápe che remimbo'e ramo.

‘Che ha'e ku parral mataetéicha, ha che Ru katu pe parral máta ñangarekoháraicha.

Pe ojuaju'ỹva che rehe, oñemombo vaerã umi hakãngue ipirúvaicha ha oñembyatýva ha ojehapýva tatápe.

‘Che añe'ẽ peẽme péicha pevy'a haguã chendive, ha pene renyhẽ haguã vy'águi.

Pejapo ramo pe che ha'éva peẽme, peiméta che mborayhúpe ko che ajapo háicha che Ru rembiapoukapy ha aime imborayhúpe.

Kóva aipóramo ha'e peẽme: Tapejuayhu.

Peẽ yvypóra kuéra reheguáva rire, ha'e kuéra pende rayhu vaerã mo'ã ohayhu háicha umi imba'e kuéravape. Che poiporavo va'ekue ijapytégui kuéra, ha upéva rehe yvypóra kuéra nda ija'éi pende rehe ndaha'evéiguima imba'e kuéra.