Versets bíblics populars de లూకా 14

Comparteix

“అంచొ సిస్సుడు జంక మెన కో అంచితె జెయెదె గే, అంక ప్రేమ కెర్తి కంట అబ్బొస్‍క, అయ్యస్‍క, తేర్సిక, జోవయించ బోదల్‍క, అన్నసీంసిక, అప్పసీంసిక చి జోకయ్ తొక్కి ప్రేమ నే కెర్లె, నెంజె.

జోచి సొంత సిలువ వయన, కో అంచి పట్టి జెయె నాయ్ గే, జో, అంచొ సిస్సుడు జంక నెత్రె.

కిచ్చొక మెలె, కో జోవయింక జొయ్యి గవురుమ్ కెరనెదె గే, దేముడు జోవయింక దాక్ కెరెదె, గని కో జోవయింక జొయ్యి దాక్ కెరనెదె గే, దేముడు జోవయింక వెల్లొ కెరెదె” మెన యేసు సంగిలన్.

“దస్సి, తుమ్‍చితె కో జోక తిలిసి ఎత్కి ములె నాయ్ గే, అంచొ సిస్సుడు జంక నెత్రె” మెన యేసు సంగిలన్.

“తుమ్‍చితె కో జలెకు ఉప్పిర్ గేర్ బందుక ఉచర తిలె, జా పూర్తి బందితి రిసొ డబ్బుల్ సరిపుచుప జయెదె గే నాయ్ గే దెకుక మెన, లెక్క కెరుక మెన వెసెదె. జో తొల్లితొ జా లెక్క నే కెర్తె జా ఉప్పిర్ గేర్‍చి పునాది గలిలె పడ్తొ డబ్బుల్ సరిపుచుప నే జతిస్‍చి రుజ్జు పడ్తొ దెక పూర్తి బందుక నెత్ర ముల దిలె, దెకితస ఎత్కిజిన్ జోక ఆఁసుల. ‘ఈంజొ మాన్సు ఉప్పిర్ గేర్ బందుక మొదొల్ కెర్లొ, గని పూర్తి బందుక నెత్’ మెన ఆఁసుల.

తుమ్ అన్నిమ్‍క మాన్సుల్‍క బుకారుక మెలె, కక్క బుకారా మెలె, బీద సుదల్‍క, మొండివొ మాన్సుల్‍క, సొట్ట మాన్సుల్‍క, గుడ్డి మాన్సుల్‍క, చి జేఁవ్ తుమ్‍క అన్నె బుకారుక నెతిర్‍తస్‍చి రిసొ తుమ్‍క చెంగిల్ జయెదె. కిచ్చొక మెలె, సత్తిమ్ ఇండిలస అన్నె జీవ్ జా ఉట్టితి పొదిక తుమ్‍క ఎత్కి అదికారుమ్ తిలొ దేముడు బవుమానుమ్ దెయెదె” మెన యేసు సంగిలన్.

“లోన్ చెంగిల్ అస్సె, గని లోన్‍చి కారు గెలెగిన, జా లోన్ కీసి అన్నె కారు జయెదె? జయె నాయ్. అన్నె జా కారు గెలి లోన్‍క ‘ఎరు’ మెన బుఁయ్యె సువుక కి కామ్‍క నెంజె. ఆరి వెంట గెలుక జయెదె. సూన్‍త కంగ్డొ కక్క తిలె, సూన్‍తు!”