Versets bíblics populars de - यूहन्‍ना 14

Comparteix

मैं तुम हां सान्ति दएं जात आंव, अपनी सान्ति तुम हां देत आंव, ऐसो नईं देत जैसे संसार तुम हां देत आय, तुमाओ मन बेचैन न होए और न डराए।

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

तुम घबड़याओ नईं, परमेसुर पे भरोसा धरो और मोय पे भी भरोसा धरो।

परन्त संग्गी यानि पवित्र आत्मा जीहां बाप मोरे नाओं में पठै है, बो तुम हां सब बातें सिखा है, और सब कछु जौन मैंने तुम से कई आय, तुम हां खबर करा है।

जीके ऐंगर मोरो हुकुम आय, और बो ऊ को मानत आय, ओई मोसे प्रेम करत आय, और जौन मोय से प्रेम करत आय, ऊसे मोरो बाप प्रेम कर है, और मैं ऊसे प्रेम कर हों, और अपने आपई हां ऊ पै दरसा हों।

और मैं बाप से बिनती कर हों, और बो तुम हां एक और संग्गी दै है, कि बो सदा तुमाए संग्गै रए। यानि सत्य कौ आत्मा, जीहां संसार ग्रहण नईं कर सकत, कायसे बो ऊहां नईं देखत आय और न चीनत आय: तुम ऊहां चीनत आव, कायसे बो तुमाए संग्गै रहत आय, और बो तुमाए भीतरे हुईये।

और जो कछु तुम मोरे नाओं से मांग हौ, ओई बो कर है कि पूत से बाप की महिमा होबै। जदि तुम मोसे मोरे नाओं में कछु मांग हौ, तो मैं ऊहां दै हों।

जदि तुम मोसे प्रेम रखत आव, तो मोरी अग्या को मान हौ।

मोरे बाप के घरै रहबे की बिलात जांगह आंय, अगर नईं होते, तो मैं तुम से कह देतो कायसे मैं तुमाए लाने जांगह तईयार करबे जात आंव।

और अगर मैं जाके तुमाए लाने जांगह तईयार कर हों, तो फिन आके तुम हां अपने इते लै जैहों, कि जिते मैं रओं उतईं तुम भी रओ।

थोमा ने ऊसे कई, हे प्रभु, हम नईं जानत कि तें किते जा रओ आय? तो गैल कैसे जाने?