Versets bíblics populars de - यूहन्‍ना 6

Comparteix

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

आत्मा तो जीवन देत आय, सरीर से कछु लाभ नईंयां, जौन बातें मैं ने तुम से क ईं बे आत्मा और जीवन आंय।

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

यीशु ने उन से कई; परमेसुर को काम जौ आय, कि जीहां ऊ ने पठैव आय, तुम ऊ पै भरोसा करो।

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

शमौन पतरस ने ऊसे कई, हे प्रभु हम की के ऐंगर जाबें? अनन्त जीवन की बातें तो तोरे ऐंगर आंय।

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

मोरे ऐंगर कोऊ नईं आ सकत, जब लौ बाप जीने मोय पठैव आय, ऊहां अपने ऐंगर खेंच न ले; और मैं अखिरी दिना ऊहां फिन जिला दें हों।

कायसे परमेसुर की रोटी बा आय, जौन सरग से उतरत आय और संसार को जीवन देत आय।

जीवन की रोटी मैं आंव।

तब यीशु ने रोटियां लईं, और धन्यवाद करके उन हां जौन बैठे हते बांट दईं, ऊं सई मछरियां भी जितेक बे चाहत हते बांट दईं। जब बे अफर गए तो ऊने अपने चेलन से कई, बचे भए टुकड़न हां बटोर लेओ, कि कछु भी फेंको न जाए।

जब बे पांच छ: किलो मीटर लौ नाव खेत चले गय, तो उन ने यीशु हां झील पे निंगत, और नाव के ऐंगर आत भओ तको, और बे डरा गए। परन्त ऊ ने उन से कई, डराओ नईं; मैं आंव।