Versets bíblics populars de Sơnròp Gơlik Gơs 17

Comparteix

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Cau ò tai sơnđan mê la Abram, mơ rơp sơnđan mê la Abraham, bơh Añ sơnđan mê la bèp oă làng bol dê.

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

“Do, đah mơ Añ, Añ neh lơh bơta ho bal mơ mê, mê rơp gơlik gơs bèp oă làng bol dê.

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Gen Abraham tơmbic să tòm ù, khai ñŏ mơ đơs tòm nùs lah: “Gơs dô nă cau neh tơl dô rhiang nam rau mơ tơnggơs dô nă kòn klau di sơl? Ai Sara neh sin jơt nam, rơp deh di sơl?”

Yàng Tom Trồ đơs mơ Abraham lah: “Ai Sarai bau mê, bañ sơnđan la Sarai tai, mơya sơnđan khai la Sara.

Ală bol mê pal siat gơltau, bơta hơ̆ rơp la dô nơm tềl bơta ho bal digùl Añ mơ ală bol mê.

Mơ Añ rơp lơh bơta ho bal Añ jê mơ Isak, mơ Sara rơp deh mê in tòm nam dă, kơnhai do.”

Tòm ală rài, kòp nă cau klau tòm ală bol mê bulah deh tòm hìu hala ai jền blơi bơh cau bơdìh, ò di bal mơ jơi bơtiàn mê dê, tòm tŭ neh tơl phàm ngai rau, gen pal siat gơltau. Kòn klau lơi deh tòm hìu mê, mơ cau klau lơi mê blơi mơ jền, gen siat tĕ gơltau: behơ̆ bơta ho bal Añ jê rơp gam sùm sùm tòm poac să ală bol mê dê.