Versets bíblics populars de Jang 21

Comparteix

Tơnơ̆ mơ tŭ neh sa rau, Yàng Jesu đơs mơ Simôn Pier lah: “Ơ Simôn, kòn Jôna, mê kòñ gơboh di Añ rlau mơ ală cau do sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ròng siam tĕ ală belàt kòn Añ jê.” Kơnràñ đơs dơ̆ bàr mơ khai lah: “Ơ Simôn, kòn Jôna, mê kòñ gơboh di Añ sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ê tĕ ală belàt Añ jê.” Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Di ngan, Añ đơs ngan mơ mê, tòm tŭ mê gam pơnu, mê kơt is but mê dê, kòñ lòt tiah lơi khat gơboh; mơya tòm tŭ mê kra, gen mê rơp pò tê, cau ndai kơt but mê in mơ hwài mê lòt tus di tiah mê ò bài.”

Kơnràñ đơs lah: “Đùh tĕ bơtơng đah ma ơhò, gen bol mê rơp geh.” Behơ̆ bol khai đùh bơtơng, mơ ò jai hwài tơngguh tài bơh geh ka oă ngan.

Simôn Pier đơs lah: “Añ lòt kup ka.” Ală cau ne đơs lah: “Bol hi kung lòt bal mơ bi sơl.” Bol khai lik lòt mut tòm ơhò, mơya tòm mang hơ̆ bol khai ò geh kup dô nơm ka lơi.