Versets bíblics populars de Juan 7

Comparteix

Pichus noqapi atinikojmantaqa, imaynatachus qhelqasqapi nin jina, paypa sonqonmanta kawsayta qoj yaku mayu jina phullchirenqa.

Chay raymi tukukuy jatun p'unchaypi Jesús sayariytawan, jatunmanta parlaspa, nerqa: Tukuy pichus yakumanta ch'akichikojqa noqaman jamuchun, noqataj ujyananpaj yakuta qosaj.

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

Ama qhawasqaykichejman jinallaqa niychejchu imachus allin, imatajchus mana allinchu kasqantaqa. Manachayqa cheqan kajman jina allinta unanchaychej chayta reparanaykichejpaj, nispa.

Pillapis pay kikinmanta parlajqa paylla runakunawan jatunpaj qhawachikuyta mask'an. Pichus kachamojninta jatunchayta munajrí cheqanta parlan, manataj llullakunchu.

Jesustaj kuticherqa: Kay yachachisqayqa mana noqajtachu, manachayqa kachamuwaj Diospata.

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.