Versets bíblics populars de Locya 17

Comparteix

Maniring si Yeso jya am, “Tanek rana kangay mo na. Ta yaka manoyong a meyhanhan ni Ama ta do to. So mo ikapya rana no kataotao.”

No ipipito a meyraraten jinyo do kasaraw a kapangday na manci nya jinyo so, ‘Cyaha, ta mamlis ko na,’ am to nyo peykabobwa o raraten na jinyo an.”

Maliliw na no asa ka tao jira o kanimapya na rana no kataotao na am meysinaoli pa a somaray nya ji Ama ta do to, a kapeylilitod na do tangain na ni Yeso a somaray nya jya. O tao rana ori am tao do Samadiya.

Azimanen nyo an. No meyraraten o kakteh nyo am vavagan nyo an. No si mamlis am to nyo peykabobwa o raraten na.

Maniring si Yeso do aro a tao am, “Da kasa ngarnan no yanimapya so kataotao ori am wanjin jya sira o yasasyam.

Maniring si Yeso am, “Tana akman kamo so alikey a vettow no nappa so kakdekdeng no nakem am tana to mo nirsirnga o kayo a manci no, ‘To ka botbot a kangay mo amlida do awa,’ am jyabo kaji na ngonotan jinyo a.

Omnakenakem so ipeypapya na tao am ji na meypapyan ori. O mawakwak no vazay ko am dompeh jira o ikavyay no pahad da.

Maniring si Yeso do macinanao jya am, “O raraten no tao am kangay na ori. Am o tao a yapwan na am ney rako na o oyaoya na no akman sang a tao ni Ama ta do to. Ta o akman rana sang a tao am apyapya rana o kapila jya mangay itbong do awa. Ta maraherahet o kapeypalanginan na no ji makapatak nya a tao do peyraratenan da.

No meygegcin o Nipamnekan na ni Ama ta do to a tao am akman so cinasasaodan da da Noya no kakwa. No kaji na pa meykehnepan am to sirangned so ninyakan a kapazagzagpit da mangay do araraw no isdep da rana da Noya do avang da. Am meykehnep rana am nimamimin sira nimabalinas.