Versets bíblics populars de JUAN 1

Comparteix

Payta chaskispa paypi iñiqkunatan ichaqa Diospa wawankunaman tukuchipurqan.

Manaraq imapas kamasqa kashaqtinmi Simiqa karqanña, Simitaq Dioswan karqan, Simitaq Dios karqan.

K'anchaymi laqhayaqta k'anchan, laqhayaqtaq k'anchayta mana tutayachirqanchu.

Chay Simin runa kapurqan, hinaspan ñoqanchiswan tiyarqan. Paymi Yayaq sapallan Churin kaspa ancha musphanapuni karqan, ñoqanchistaq chayta rikurqanchis. Payqa ancha khuyakuqmi karqan, Diospa cheqaq-kaynintataq hunt'asqata rikuchirqan.

Tukuy imatapas paywanmi Diosqa ruwachirqan. Mana paywanqa manan ima kaqpas ruwasqachu karqan. Paymantan kawsayqa paqarirqan, chay kawsaytaq runakunaq k'anchaynin karqan.

Qhepantin p'unchaymi Juanqa Jesusta payman hamushaqta rikuspa nirqan: —Qhawariychis, paymi Diosmanta hamuq runa, borrego hina wañuspa runakunaq huchankuta pampachaq.

Chay Simin kay pachapi kasharqan, kay pachataq paypa ruwasqan karqan, runakunataq payqa pichus kasqanta mana repararqankuchu. Payqa llaqtanmanmi hamurqan, llaqta-masinkunataq payta mana chaskirqankuchu.

Llapa runata k'anchaq cheqaq K'anchayqa kay pachamanmi chayamusharqanña.

Diosmi Moiseswan kamachikuy simita churachirqan, khuyapayakuyninta cheqaq-kaynintawanmi ichaqa Jesucristowan sut'inchachirqan.