Versets bíblics populars de Juaa̱ 6

Comparteix

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

A̱si̱énni̱xtjii̱n xí tsjá kjo̱a̱mindyioo̱n, yojoo̱ jmí ni chjíjiín, én xí je kixiyajnúꞌun, kuí xí a̱siénni̱xtjin, kó kuí xí kjo̱a̱mindyioo̱n.

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Ngatꞌa̱ paa̱n Néná, kuí boá xi kjindibáni ndiꞌakꞌajmii̱, kó kuí xí tsjaá kjo̱a̱mindyion xotaa̱ kui nga̱sondiee̱.

Án boá kui paa̱n kjo̱a̱mindyioo̱n.

Kó Kjisoo̱ iskjíbé kuí paa̱n, kó ngije katsjaá ndokꞌóchjì Néná, katsjaá xota̱ tsi̱ꞌe̱, tsi̱ꞌe̱ nga kui jaá sa̱ꞌínkjaꞌasoón ngayeje xota̱ xi síndotiee̱, ti̱ bo̱a̱ ti̱ katsꞌeén tji̱o̱o̱ nga. Kó ngayeje xotaa̱ iskjinie ta̱ xikó kjiꞌi kamámejénrií. Kó ngije kitsie cha̱n cha̱a̱n xotaa̱, Kjisoo̱ bi̱ katsoó xota̱ tsi̱ꞌe̱: –Chja̱ꞌáꞌyájnú ngayeje pan xi tsꞌangii̱, tsi̱ꞌe̱ nga kjo̱tsònjín.

Jera̱ ma tsi ta̱ ún ko̱jo tsi jún kilometro̱ nínga ndyi̱fochó, nga je iskjindaá tjotso jee̱ nga kamábe Kjisoo̱, nga tsoꞌbáyise nga̱soón ndáchíkoón, kó xtji̱e̱e̱n nínga tikón tjotso jee̱ tsꞌénfí, kó achichí katsakjónní kui jaá. Ta̱nga Kjisoo̱, bi̱ katsoó: –Án boá, ngata̱ ndakonjínmájnú.