Versets bíblics populars de लुका 12

Comparteix

खिनिॽआङ् आप्‍फाल्‍ले़साङ् यारिप् वये़म्‍मे़ॽओ, थेआङ्‌भे़ल्‍ले़ मे़न्‍छाम्‍सान् यु फाॽआङ् मे़न्‍इःत्ते के़वयिल्‍ले़ खुने़ॽ युरो॥”

कर खुने़ॽ कुहाङ्‌जुम्‍मिन्‍लक् कोःत्ते़म्‍मे़ॽ, हे़क्‍क्‍याङ् काक् कन् चिगक्‌वाहाॽ खिनिॽ के़म्‍बिरिॽरो॥”

हे़क्‍क्‍याङ् ये़सुरे़ याम्‍मो खे़ङ्‌हाॽ मे़त्तुसि, “काक् खिःम्‌यक् चोःक्‍मोलाम् सिङ्‌सिङ् लॽरे़म्‍मे़ॽओ॥ थेआङ्‌भे़ल्‍ले़ मनाःल्‍ले़ कत्तुबा मुल्‍लुक् याङ्‌साकुन्‍धेओ खुने़ॽ से़क्‍खाबा कुहिङ्‌मन्‍निन् मे़वाॽने़न्‍लो॥”

थेआङ्‌भे़ल्‍ले़ आत्तो खे़ने़ॽ याङ्‌साकुन्‍धेहाॽ के़युक्‍खुॽ, खे़प्‍मोए खे़ने़ॽ के़निङ्‌वाॽबे़न् पेःक्‍लो॥”

निङ्‌साम्‍मो के़ध्‍ये़ॽइआङ् खिनिॽ हिङ्‌मन्‍नो कुमुक्‍थिक्‍काङ् फोमा के़न्‍छुक्‍तुम्‍मिन्॥

हे़क्‍क्‍याङ् ये़सुरे़ कुहुॽसाम्‍बाहाॽ मे़त्तुसि, “हे़क्‍केःल्‍ले़ खे़प्‍से़म्‍मे़ॽओ, खिनिॽ हिङ्‌मन्‍नो थे चामा नु नासिङ्‌गे़न् थक्‍को थे चाङ्‌मा वाःप्‍मा फाॽआङ् निङ्‌साम् मे़जोगे़म्‍मिन्‍ने़ॽओ॥

खिनिॽ थे़गेःक्‍कोबा काक् थे़गेःक्‍इहाॽ खुने़ॽ निरुआङ् वाॽरो॥ हे़क्‍केःल्‍ले़ मे़गिसे़म्‍मिन्‍ने़ॽओ! खिनिॽग यरिक् चुजुक्‍सा पुहाॽनुःल्‍ले़आङ् इमे़ल्‍लुङ्‌बा के़जोगिरो॥”

“चुक्‍सा मे़ल्‍लुक् सुम्‍से़, मे़गिसे़म्‍मिन्‍ने़ॽओ, थेआङ्‌भे़ल्‍ले़ साङ्‌ग्राम्‍पेदाङ्‌बा खिनिॽ पाःल्‍ले़ कुहाङ्‌जुम्‍मिन् पिमा कुसिराॽ थाङे़आङ् वाॽरो॥

आःक्‌वाहाॽ ओमे़त्ते़म्‍सिम्‍मे़ॽओ—खे़ङ्‌हाॽरे़ चा मे़न्‍देसुन् मे़न्‍छुप्‍सुन्, चायुङ्‌दे़न्‍नोआङ् याङ्‌मे़ङ्‌घोःत्तुन्॥ हे़क्‍केसाङ् निङ्‌वाॽफुमाङ्‌ङिल्‍ले़ चाःत्तुसिॽ हिङ्‌घुसिॽरो॥ खिनिॽग पुहाॽनुःल्‍ले़आङ् आक्‍खे़न् इमे़ल्‍लुङ्‌साबा के़जोगिॽ के़लॽबा निङ्‌वाॽ इःत्ते़म्‍मे़ॽओ॥

“चामा थुङ्‌माओरक् खिनिॽ निङ्‌वाॽ मे़बिरे़म्‍मिन्‍ने़ॽओ! खे़ल्‍ले़ लागिग निङ्‌साम्‍मोआङ् मे़ध्‍ये़म्‍मिन्‍ने़ॽओ

आइन् ताःन्‍दिक् मिओ लाप्‍के़भुसिङ्‌बा प्‍याङ्‌सिगे़न् इक्‍ताप्‍पोबा सुङ्‌फुङ्‌हाॽ निङ्‌वाॽफुमाङ्‌ङिल्‍ले़ हे़क्‍केलॽरिक् तेत् चाक्‍तुसिल्‍ले़ खिनिॽ तेत् के़न्‍जाक्‍तिन्‍बि? नसान् के़सुःम्‍बासे!

मे़धाःप्‍ने़न्‍ल फाॽआङ् ते़प्‍ते़आङ् के़वाॽबा पान् इग्र कुसिङ् निःत्‍मे़दे़त्‍ने़न्‍ल फाॽआङ् माॽरे़आङ् के़वाॽबा पान् थेआङ् होप्‍लो॥