Versets bíblics populars de OHÚTU 9

Comparteix

Anɔ́ɔ Ɔwɔicō kahíníī, “Ɛ̄nyā géē wɛ ɔdā nōo géē cābɔ̄ kú okónu opiyóó nɛ̄ n ce mla aá mɛ́mla ɔdā dóódu nēe yēeyī ā á. N géē je ɔwɔ ohɔ́gwā kwu ipú ojuja, anɔ́ɔ ó í wɛ ɔdōcābɔ̄ kú okónu nɛ̄ n ce mla ɛcɛ ā á.

Eko dúú nɛ̄ ɔwɔ le hɔ́gwā ipū ɔkpáncō, n géē má ɔ̄ klla í blakwu okónu opiyóó nɛ̄ n ce mla odúúdú aɔ́dā oyēeyī, nōo yɔ̄ ɛcɛ ā.”

N yá ɔ̄cɛ gbla ami nōo wɛ Ɔwɔicō ā, ohígbū ɔ́ɔmā ā, ɔ̄cɛ nōo lɛ ɔ̄cɛ ŋmó, ɔ̄cɛ ɔhá géē je ɔ̄cɛ ɔ́ɔmā ŋmó.

Ɔwɔicō lɛ ɔhā hɛ́ ce Unówa mɛ́mla ayí kú ɔlɛ́ nū, anɔ́ɔ ó da uwā kahíníī, “Áā ma ayí lɛwa kú aá nyīla ga odúúdú ɛcɛ ā.

Ɔdā dóódu nōo yēeyī ā géē wɛ ɔdōlé kú aá ɛ́gɛ́nɛ̄ ēpū mɛ́mla ɔdɛ̄hɔ̄ dóódu wɛ ɔdōlé kú aá ā.

Aɛ́bɛ́ dúúdú mɛ́mla aígbáanɔ mɛ́mla aɛ́béenyi mɛ́mla aɔ́dā ō lɛ ipú piyajɛ géē yúúfi kú aá. N le uwá kpó bá ɛháajɛ ɔfú kú aá.

Aá ā, aá ma ayí alɛwa, cɛ́ɛ́ kú ayááyí kú aá kéē mīyɛ ɛga dóódu kú ɛcɛ tābɔ̄.