Versets bíblics populars de ILUKU 19

Comparteix

Chajị am Ọnyị nya ọngịnyị ehe ọlẹ warị wẹ odehe ọlẹ kaka pịlahị nya angịlẹ kị hwahị hi ụgbẹyị nya Ohe Oluhye kam ka chaa da bwu ẹpwụ nya ịhọbịrị ịhọhọ nyaa wuu ịnyịnyị.”

I juwa da owiwiyi gboo yẹkẹẹ, “Ahị ọwawa ọtụka a juwa hang Ahụ Adịrahụ ọlẹ ká wẹẹ warị la ẹnyị nya Ọngọlahị Ohe Oluhye! Ká okpunyi a juwa e-epwoohe! Ká ogbo ọtụka a juwa hang Ahụ Ohe Oluhye ẹ-ẹga oluhye!”

Ịnyị, iJisọsị a byoo yẹkẹẹ, “ỊSakiyọsị, wo mẹ! Ọchịda nya Ohe Oluhye warị wẹ ọdọdẹpwa nyang alẹ lẹ! Jaabwọ kaahụ ayịdang ri ọngọhẹ lẹpwụ nya anyị nya Ebiraham ịnyịnyị lẹ.

Ụka ká iJisọsị jẹ pwụ ụwa, ọ chẹhị kaka yẹ ịSakiyọsị u-uhye nya okoji ọọwa. Ọ byoo yẹkẹẹ, “ỊSakiyọsị ee, hireji mẹ ẹnwa! Chajị ẹ-ẹpwa nyang, m ka hyehe obyi alẹ pyii lẹlẹ.” Ịnyị, ịSakiyọsị a hireji bwu uhye nya okoji ahyaahị lẹ, ọ da iJisọsị ọwụraba kele ka ẹpwa nyamwụ, juwa chị ọkẹkẹnị ọtụka-ọtụka lẹlẹ.

Ịnyị, ụka ká iJisọsị juwa ẹ-ẹpwa nya ịSakiyọsị lẹ, ịSakiyọsị a wuleji, byoo yẹkẹẹ, “Ọngọlahị ee, yẹ mẹ! M ka chị ang-abwọ nyam wuu ebwo imiiye kam ka hu ebwo ọhẹ nyamwụ ga ha ikpehika lẹ! Angịlẹ kam họ ri la ijẹẹhị ene-ene lẹ, m ka nwụ ọngọngọọng nyaa uri nya ang ịịwa mwụ aba ba ugbabwọ ine kwiwa lẹẹlẹẹ ịnyịnyị lẹ!”

Ụka ọọwa, ala ịFarịsii ịhyẹ ịlẹpwụ nya iru nya angịịwa byi iJisọsị yẹkẹẹ, “Ayịbahị ịtịcha, yalibyi la angịjụgbẹyị nyang ịwẹ kị ba la ọmọnyọ ọwẹ pyii!” IJisọsị wẹ byaa yẹkẹẹ, “Nya ịlẹhị-ịlẹhị, m byinu yẹkẹẹ, ó-riri ká angịwẹ á tụ ọnụ nyaa tụpịrị wẹwẹ aalẹ, Ohe Oluhye ka họ ká ajwọ ịlẹ wuu ka gwogbo, juwa da iwuru ham myị́.”