Versets bíblics populars de Ịjọọnụ 10

Comparteix

Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Atẹmẹ amị vị anaā wụ́ ọngwẹ amị, mâ yẹ wa, ẹnịnịị̄ dụ mị ịrẹma.

Maa mẹ ka ẹnịnị ẹ̀ yàra pooro zịna-zịna; e mē vene vu ẹtẹ paa, ẹ yị nyị ọza ana rẹ nyẹngụ dọ wa hụrẹ mị ụvọ.

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Ama ẹmị ụvọta ọ vị ọza anaā tẹsị atẹmẹ ẹtẹẹtẹrẹ nị. Mâ yẹ aza amị, dị aza amị ẹnị rẹ yẹ ẹmị nị

Ada amị ana kụ́ wa chire mi ụvọ, o huna avaba ọza nị; ẹ yị nyị ọza ana zụ dọ wa hụrẹ Ada amị ụvọ. Ẹmịrị Ada amị vị ọnya.”

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Àa vị ọza ana a dọ ka òo sere atẹmẹ kẹnẹ yọ nị, ẹ yị vị ọza anaā tẹsị atẹmẹ ọ vị, ẹ yị rẹ vị ọnị ụvọta ọ nyị atẹmẹ ẹnẹẹ. Agụvị avọọ òo re ka akatapooro aa vẹ, dị ọ navọ atẹmẹ hi ẹtẹ, di o si zwe. Dị akatapooro ọnị kụkụ za atẹmẹ ẹnyị, dị ọ gara ana vọ và ha.

Ijeesu ka, “Ịzẹyịza m maa kà a wụ nị, ọza ẹnẹ ẹ̀ yị zị oze obooro ngụ irehi ịzị aā kụ́ atẹmẹ hi, dị ọ na zị oze ọsa hịrẹ ngụ eehi nị, oyi obooro ọ́za ọnọọ vị nị.