Versets bíblics populars de Yahya 12

Comparteix

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Ia to tonturu' bang pakkeloran penawanna, te'da nalannampa' katuoan melo te'da cappa'na. Apa ia to tote'da naturu' bang pakkeloran penawanna lan tee lino, iamo la nnampa' katuoan melo te'da cappa'na.

La miingaran tee kadang-Ku' kumua, wa'dingna' dipasangrapang banne. Ia ke te'da naditanan do' litak namate, la da'tan bangngi sanglise'. Apa ia joo sanglise' banne ke ditananni namate, mane'ri membuda buanna.

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Na ia to tossa'ding kadang-Ku', na te'da napugaukki, te'da na Aku' la ssessai, nasaba' te'da kuratu la ssessai to tolino, apa la kupasalama'ri.

Ratumi Maryam mbawa minynya'-minynya' gaja suli' allinna to disanga narwastu agi-agi sitangnga litere'. Natua'i lako aje-Na Puang Isa namane' mpa'dii beluakkana. Silele lan bola to baunna, sanga liwa' busarungngu'na.

Pada nnalami daun kaju palem jio mai garonto'na namale ntammui to Puang Isa. Nametamba-tamba nakua, “Pakala'bihhi Puang Allataala! Dibarakka'i to toratu mpusanga sangan-Na Puang, rajana to-Israel!”

Nakua Puang Isa ngkuanni, “Nadete'mi wattung-Ku' tee Aku', Anak Mentolino, la dipakala'bih.