Versets bíblics populars de Yosua 6

Comparteix

Mangkada-Mi PUANG Allataala lako Yosua Nakua, “Nadete'mi wattunna la Kunii mben kamu' joo kota Yerikho sintong rajana sola sininna surudadunna to sigaja barani.

Iammisa'dingmi to tarompe' masain nnoni, siarrakan ngasanmo kamu', naro'pok joo tembo' kota, mimane' pada male nnolai to tembo' ro'pok jio olomi, mimentama joo kota.”

Annan allona la munii male sola surudadummu ngguririkkii sipissen sangngallo joo kota

naden pitu imang suku Lewi pada sibawa tarompe' tanduk bembala', la lumingka njoloan Patti Basse. Ianna allo mangpempitunnamo, la miguririkkii pempitu joo kota, namukkun mpannoni tarompe'na to imang.

Ia to sininna babangan kota jio Yerikho ditene' ngasanmi, dikua danggi' na den to-Israel mentama kota, te'da lalo tau dieloran messun mentama.

Ia tonna mangpempitunnamo mengguririk, napannonimi imang to tarompe'na, napangparentanmi Yosua nasiarrakan to sininna surudadunna, nametamba Yosua nakua, “Nabenmiki' PUANG Allataala tee kota!

La dilanynya'i ngasan tee kota sola sininna issinna, menjaji passompan lako PUANG Allataala. Ia mandara joo Rahab mesa' baine bandarang te'da naladipatei, nasaba' mangkami ntulung mata-matanta'. Moi to sininna tau llan bolana te'da too naladipatei.