Versets bíblics populars de JUAN 19

Comparteix

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpa huañurcallami.

Chai quipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

Jesús paipac mamata, paipac cuyashca yachacucta ricushpa, paipac mamataca: —Mama, caipimi cambac huahuaca— nirca. Chai quipaca, paipac yachacuctapish: —Caipimi cambac mamaca— nirca. Chaimanta pachami chai yachacucca Jesuspac mamata huasiman pusharca.

Ashtahuanpish Jesuspacman chayashpaca, ña huañushcata ricushpami, mana changacunata paquirca. Shina cashpapish, shuc soldadoca lanzahuanmi Jesuspac costillasta chugrichirca. Chai chugrimantaca yacupish, yahuarpish llucshircami.

Caicunaca Dios quillcachishcapi: “Shuc tullullatapish mana paquingachu” nishcami pactarca. Shuctac quillcachishcapica: “Lanzahuan chugrichishcatami ricungacuna” ninmi.

Jesusca cruzta aparishpami, Gólgota urcuman llucshirca. Gólgota nishpaca, Hebreo rimaipi, “uma tullu” nisha ninmi.

Soldadocunaca casha angumanta ahuashca shuc coronata umapi churachishpami, morado churanatapish Jesusman churachirca.