Versets bíblics populars de Jọn 12

Comparteix

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Ọ rọ guọnọ rọye ko kuofia; ohwo ro ku arhọ rọye fia vwẹ akpọ nana kọ sẹro rọye re te arhọ ro vwo oba-a.

Uyota, uyota, me ta kẹ ovwan, jokpa nẹ ubi rẹ ọka she phihọ otọ ro de ghwu-u, kọye ọvo kpoi re dia; ẹkẹvuọvo o de ghwu, kọ mọ emamọ buebu.

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Ohwo ro nyo eta mẹ rọ yọnrọn aye-en, mi vwiro guẹdjọ-ọ; kidie me rhere rhi guẹdjọ rẹ akpọ na-a ẹkẹvuọvo mi rhi sivwi akpọ na.

Meri da reyọ ori ri spaknad ghaghare ẹhọhọ rọye ikpahọ ọvo rẹ ovwavwọn o de vwo ghworo awọ ri Jesu ọ da vwẹ ẹto rẹ uyovwi rọye rhie; uwevwi na da rhe vọn vẹ ọnrhe ororo rẹ ori na.

Ọtiọye na ayen da reyọ ewanvwe rẹ iriẹ ayen da yanran ra vwa, ayen de kuvwie, Hozana, Ebruba kẹ ọ rọ cha vwẹ odẹ rẹ Ọrovowhwo, mrẹmrẹ ọye hẹ Ovie rẹ Izrẹl.

Jesu da kpahe kẹ ayen, Ọke na tere ra vwọ vwẹ urinrin kẹ Ọmọ rẹ ohwo re.