Versets bíblics populars de Jọn 14

Comparteix

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

We jẹn udu bru ovwa-an; se Ọghẹnẹ gbuyota, we ji se vwẹ gbuyota rhe.

Ẹkẹvuọvo Obruche na, Erhi Ọfuanfon na, rẹ Ọsẹ na che ji rhe vwẹ odẹ mẹ na, ko chẹ yono ovwan emu ejobi, kọ cha karohọ ovwan emu ejobi re me ta kẹ ovwan.

Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

Ke me rẹ Ọsẹ na, kọ vwẹ Obruche ọfa kẹ ovwan, rọ vẹ ovwan gbe dia bẹdẹ, mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Emu kemu rẹ ovwan nọre vwẹ odẹ mẹ, mi se ruo, rere a vwọ vwẹ urinrin kẹ Ọsẹ na vwẹ oma rẹ Ọmọ na. Ovwan da nọ kemu kemu vwẹ odẹ mẹ, mi se ruo.

Ovwan da guọnọ ovwẹ, ovwan gba sẹro rẹ irhi mẹ.

Vwẹ uwevwi rẹ Ọsẹ mẹ ivun buebu herọ; ọ dia ọtiọye-e, me a rha ta kẹ ovwan nẹ me ra rhuẹrẹ asan kẹ ovwan?

Me da yanran ra rhnẹrẹ asan kẹ ovwan, mi ji rhivwi cha cha reyọ ovwan kẹ oma mẹ, rere asan re me epha ovwan je dia etiyin rhe.

Tọmọs da ta kẹ, Ọrovwohwo, avwanre riẹn asan re wọ ra na-a; komavọ avwanre sa vwọ riẹn idjerhe na?