Versets bíblics populars de JUAN 7

Comparteix

Quillcachishcapi nishca shinaca: “Ñucata crijpaj shungu ucumantaca, causaiyuj achca jatun yacumi pajchacungalla” ninmi– nircami.

Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Mana alli yuyachijllapica ama juchachichijchu. Ashtahuanpish ima shina cashcata alli yachashpataj mana allichu nichigari– nircami.

Maijanpish paipaj quiquin yuyaillamanta huillajca, shujtajcuna paita alli nichunllami munan. Ashtahuanpish paita cachaj Yayata jatunyachichun huillacujca mana llullachu, mana ñahuita ricushpalla imatapish rurajchu.

Chashna ninacucujpimi, Jesusca: –Ñucaca mana ñuca yuyaimantachu yachachini. Ashtahuanpish ñucata cachaj Yaya yachachi nishcallatami yachachini.

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.