Versets bíblics populars de YAWHAN 2

Comparteix

Shing rai Yesu gaw shi dan ai lamik kumla ni hta, shawng dan hpang ai gaw, Galile mung na Hkana kahtawng e dan nna, shi a hpung shingkang dan shapraw wu ai: shi a sape ni mung, shi hpe kamsham ma ai.

Shaloi Yesu gaw, “Numsha e, ngai nang hte hpa seng a ta? nye a ahkying garai n du li ai,” ngu nna shi hpe htan wu ai.

Yesu gaw, “Ndai yam ni hta ntsin ja bang jahpring mu,” ngu nna shangun ma ni hpe tsun mu ai: dai rai nna shanhte gaw, yam nten dem rai hkra hkra ja bang ma ai. Bai Yesu gaw, “Ya kamai la nna poi up wa hpe wa jaw mu,” ngu nna shanhte hpe tsun wu yang, shanhte wa jaw ma ai.

Yesu gaw, “Ndai htingnu hpya kau mu; masum ya laman e ngai dai hpe sharawt na we ai,” ngu nna shanhte hpe htan mu ai.

shingri hte galaw ai lasik la nhtawm, shanhte mahkra hpe mung, sagu dumsu ni hpe mung, dai nta na shachyut nna, gumhpraw byan sha ai ni a gumhpraw ni hpe ru kau ya ai hte, shanhte a ku ni hpe kanawng kadawng kau ya mu ai: hkrudu dut ai ni hpe mung, “Ndai rai ni la wa mu; nye Wa a nta hpe hpaga nta hkum shatai mu,” ngu nna tsun mu ai.