Versets bíblics populars de Juan 1

Comparteix

Payman yärakur chaskikuqkunatami itsanqa Tayta Dios legitimakun wamrankuna kananpaq.

Imapis manaraq kaptinmi Diospa Palabran kaykarqanna. Tayta Dioswanmi pay kaykarqan. Payqa Diosmi kaykan.

Tsay atskiqa tsakaychöpis pasaypami atsikyan. Tsakaypis tsay atskita manami upitsintsu.

Diospa Palabran kay patsaman shamurmi runano yurirqan. Noqakunawanmi kay patsacho purirqan. Tayta Diospa juklayla Tsurin kaptinmi munayniyuq kaykaqta rikapäkurqä. Kuyapäkuq y rasun kaqlata parlaqmi karqan.

Paywanmi lapan imaykatapis Tayta Dios kamarqan. Kay patsacho kaqkunaqa lapanpis pay kamashqanmi kaykan. Paychömi mana ushakaq kaway kaykan. Tsay kawayqa runakunapaq atskimi kaykan.

Tsaypita jukaq junaqnami Jesús aywaykämuqta rikaykur Juan kayno nirqan: <<¡Tayta Dios kachamushqan Carnishmi pay kaykan! Paymi runakunata jutsankunapita perdonanqa.

Kay patsacho kaykaptinpis y kay patsata kikin kamashqa kaykaptinpis runakuna manami payta reqirqantsu. Kuyashqan runakunaman shamuptinpis manami chaskikärirqantsu.

Rasunpa kaq atskiqa lapan runakunatami atsikyapan. Payqa kay patsamanmi shamurqan.

Leyninkunataqa Moiséswanmi Tayta Dios wilakatsirqan. Kuyapäkuyninta y rasunpa kaq wilakuynintami itsanqa Jesucristuwan tantiyatsimashqantsi.