Versets bíblics populars de Lucas 7

Comparteix

Tsaymi kayno nï: Kay warmiqa atska jutsankunata perdonaptïmi pasaypa kuyamar tsayno rurashqa. Wakinmi itsanqa jutsaynaq kashqanta yarpar janan shonqula kuyaman>>. Nirkur tsay warmita kayno nirqan: <<Lapan jutsaykikunatami perdonä>>.

Jesúsnami tsay warmita kayno nirqan: <<Yärakamashqaykipitami salvashqa kaykanki. Kananqa kushishqana aywakuy>>.

Jesúspa qepanman qonqurpakuykur waqaptinmi chakinman weqin juturqan. Tsay jutushqantanami aqtsanwan tsakirkatsir Jesúspa chakinta mutsaykushpan apashqan perfümita winaparqan.

Tsayshi kikinqa mana shamushqatsu. Ashmaynin aliyänanpaq kaylapitashi niykunki. Paypis mandaqninpa munayninchöshi kaykan. Tsaynöshi paypa munaynincho soldädunkunapis kaykan. Tsayshi mayqantapis <ayway> niptinqa aywan, <shamuy> niptinqa shamun y ashmayninta <kayta ruray> niptinpis ruran>>. Tsayno wilapäkuptinmi Jesús kushikur paywan aywaykaq runakunata kayno nirqan: <<Noqa kaynömi nï: Payno yärakamaq runataqa manami Israel runakunachöpis tarishqätsu>>.

Tapuq chayashqan hörami Jesús aliyaykätsirqan atska qeshyaqkunata, nakaykaqkunata, supay nakatsishqankunata y atska qaprakunatapis. Tsawraqa Jesús kayno nirqan: <<Kutiykur Juanta wilapäkuy rikashqaykita y mayashqaykita. Qaprakuna rikannami. Makllukuna purinnami. Leprawan qeshyaqkuna aliyashqanami. Upakuna wiyannami. Wanushkuna kawarimushqanami. Waktsakunapis Tayta Diospa ali wilakuyninta mayaykannami.