Versets bíblics populars de YOHANA 7

Comparteix

Amahandiko amatakatifu kaboolanga kari, ‘Omundu yesi yesi ousuubila mwisie, emichela chiamaatsi, akahaananga obulamu chilarula muye nichikholomokha.’ ”

Khunyanga yokhumalilikha yelisabo, eyalinji inyanga ikhongo yelisabo, Yesu yasinjila ne nalanjilisia nomwoyo omukhongo naboola ari, “Omundu yesi yesi owobuloho bulia, yetse khwisie, anywe amaatsi.

Yesu yali naboolanga amakhuwa ako khu Roho, owa, abali nibamusuubila bali nibatsitsanga okhunyoola. Kata kario Roho tsana oyo yali nashili okhuhaanwa ta, shichila Yesu yali nashili okhuchinguulwa muluyali.

Shimulakhalachilanga omundu eshiina khulwa akamulola khuye elwanyi ta, habula mukhalachenje nimulonda obwatoto.”

Omundu ouboolanga khulwa obunyalibwe omwene, yekhaabilanga oluyali lulwe omwene. Nebutswa oukhabilanga owamuruma oluyali, omwenoyo abetsanga omusuubilwa, khandi shiali omubeeyi tawe.

Yesu nabakalusia ari, “Aka enzechesinjia shikali akanje ta, habula karulanga khu Nyasaye owaruma isie.

Abomushialo shibanyala okhumusila inywe ta, habula basilanga isie, shichila ebaboolelanga habulafu mbu ebikhole biabwe nebimayanu.