Versets bíblics populars de Oluka 12

Comparteix

Agimi a mbo e dzu e kʼpu, okyku eshi Anwye Arehwĩ á ba ombayaŋ a mbo bimi e zga eso ma mbo.

Okyku eka he, e sko Oreŋ Ahogbrẽ e zga ekplo ba oriori eso bimi. Ambla he nga ekployaŋ a mbo bimi e klo á shri á da gimi.

Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ.

Okyku eshi eso bimi e wo okro ba angyiŋ bimi a wo ma angyiŋ ombamba pyeŋ.

Ayi eshki bimi a kpo a gbu baŋ a ta eyi baŋ ma, o wo baŋ a da lo o kpo ŋa ewu eso?

Ambla he nga Eyesu a nyuŋ moanwyeotum baŋ a lu mi le, Okyku eka he angyiŋ ame e lu odlo ka la gimi. E da eso e ngʼba gimi okyku algori ba agimi e klo okyku oruri mbo. Nga, e da eso e ngʼba gimi okyku aknye egʼba ba agimi e la e klo mbo.

O ka, amasẽ eshri boŋ a mbo, moa a sheŋ a tsi lo a ka pyeŋ. Okyku eka he o kpo eyli mbo, okyku eshi aŋo o wo la anyuanyuŋ o gre ebyiakpa nzenze!

Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi.

Agimi e ka angliŋa, moa a fu algo mbo, nga moa a yla mbo, nga moa a wo la ebmro o mbo le anjygu ma mbo, ambo Ahogbrẽ a la a vgi mo! Ambo agimi e wo la owlama ma nzenze e gre awunu!

Okyku eka he, e da eso e ngʼba gimi okyku ekplo bimi é ba e ri, o mbo le é wa mbo.

Ahogbrẽ angyiŋ a shki asoso ba akla. Asoso la a wo ma, a dzu nga a kpu, nga moa a kpoŋ lo ovo. Ekplokyeŋ é nyom baŋ a shri aknye ba egʼba a shri a da gimi? Obmi ba adlidzi bimi o wo otsitsi sha!

Ekployaŋ a mbo ba moa a ghre lo, é gbu edzi. Nga ekployaŋ a mbo ba moa a yi lo mbo, moa á su lo.