Versets bíblics populars de Amatiyu 18

Comparteix

Okyku eshi okroyaŋ a mbo, ba moare aha, o mbo le atra a shki ma eshko me le, ame e wo ma pa la mo.

Nga ame e lu e da gimi e ta ma-ma, o wo ba moare aha obiŋ hi a bmi ta la ekplokyeŋ nga a la a fa olu okyku lo, Adugu la a wo Ongyeŋ, á kpo mo alo.

Eyesu a bzi anwye akyeŋ a daŋ a ba a tspi egi ayi mo, nga a nyuŋ mo a lu mi le, Agimi e ka! O wo bimi e zhiŋ e dzu eka moanwye afifi mbo le, agimi é yi Oreŋ Ongyeŋ mbo ku-ku.

Are la a sko eshri baŋ a zga ble-ble eka anwye afifi angyiŋ, a wo anyuanyuŋ pyeŋ a gre Oreŋ Ongyeŋ.

Okyku eka he, areyaŋ a mbo la a yga akyeŋ eshki moanwye afifi he lo eshko me le, a yga me angyiŋ.

Okyku eka he ame e lu e da gimi, ekplo bimi e nyom lo obiŋ hi, moa á nyom lo a mbo Ongyeŋ, nga ekplo bimi e bmi ta la alo obiŋ hi, moa á bmi ta la alo a mbo Ongyeŋ.

Eyesu a sa a lu mi le, Adugu a mbo á kpo gimi pyeŋ eka he lo angyiŋ, o wo bimi e kyu moanigimi la a ta akpu egi ayi bimi abgo la esõ ekyekyeŋ mbo le.

Areyaŋ a mbo la a da akyeŋ eshki moanwye afifi la a bmi ba adlidzi pa la me a sheŋ evgo le, o wo odzi o gre ba moa a shri eghwo a dze ŋa oto, nga moa a shri ŋa a ndbi a ta anyuŋ-ondzu, nga a daŋ a dom a yi eshyẽ.

Agimi e ka anyu? O wo ba arekyeŋ a wo ékylu endga ma le, o wo ba ekyeŋ e blu le, aŋa á kpo eshi? Aŋa á dzu ekʼpoetronyi la etronyi la e wo oso ékylu á zga, nga a yi á klo ekylu la e blu hi lo akla.