Versets bíblics populars de Génesis 17

Comparteix

Abram isqun chunka isqun (99) watayuq kaykaptinmi DIOS YAYA yuripuskir nirqan: <<Noqam kä El-Shaddai. Cäsumar jutsannaq imaypis kawakuy.

Kananpitaqa manam Abramnatsu shutiki kanqa, sinöqa Abrahamnam. Tsaynö shutiki kanqa maytsay nación runakunapa taytan kanaykipaq churanqaqpitam.

<<Kay pactuqa manam qamllapaqtsu kanqa, sinöqa tsurikikunapaq, willkaykikunapaq, willkaykikunapa tsurinkunapaq y paykunapita mas miraqkunapaqwanmi. Kay pactutam imaypis cumplishaq. Qampa Diosniki kanqänömi qampita miraq aylluykikunapapis Diosninkuna kashaq.

<<Pactu ruranqäta cumplirmi maytsay nación runakunapa taytan kanaykipaq churashayki.

Dios Yayanam nirqan: <<Manam Ismaelpaqtsu nikaq, sinöqa warmiki Sarachö yurinanpaq kaq tsurikipaqmi. Tsay tsurikipa shutinmi kanqa Isaac. Pactu ruranqäqa Isaacpaq y paypita miraqkunapaqmi imayyaqpis kanqa.

Imayka juklä runanö täkuykanqayki Canaánchö markakunatam entregashayki. Tsaynöllam qampita miraq aylluykikunatapis entregashaq imayyaqpis tsaychö täkuyänanpaq. Paykunapa Diosninmi imaypis kashaq>>.

Tsaynam Abraham yapay pelatakuykur yarpayllanchö asikur nirqan: <<Pachak (100) watayuq kaykaptïqa ¿imanötan tsurïpis kanman? Warmï Sarapis isqun chunka (90) watayuqna kaykarqa ¡imanötaqshi wawayuq kanman!>>

Mastam Dios Yaya Abrahamta nirqan: <<Kananpitaqa warmikipa shutin mananam Sarainatsu kanqa, sinöqa Saranam.

Señalakurqa penqaynikikunapa puntan tsaparaq qaranta roquyanki. Tsaynö señalakurmi pactu ruranqäta chaskiyanki.

Peru pactuta ruranqämi sïqa Sarachö yuriq tsuriki Isaacpaq kanqa. Watan kaynö witsaymi warmiki Sara wawayuqna kaykanqa>>.

Kananpitaqa llapan ollqu wamrakunata yurinqanpita pusaq junaqyuqllataraq penqayninchö señalayanki. Qamkunachö yuriqkunatawan juklä nacionpita serviqnikikunapaq rantiyanqayki runakunatapis tsaynölla señalayanki. Pactu ruranqäta imaypis yarpäyänaykipaq llapayki mana juk faltar señalakuyanki.